Asebter amenzawi

Talɣuɣa n Tefriqt n Ugestur: snat n tzalɣiwin n webṛunz i Lezzayer

LEZZAYER TAMANEɣT – Rebḥent-d Tdzayriyin Sarah Atrouz d Abik Boungab snat n tzalɣiwin n webṛunz deg tkuba n tsednan (imenɣi aterrasan) deg tgara n wass wis sin n Telɣuɣa n Tefriqt n ugestur ay d-yellan deg tzeqqa n Harcha-Hacene (Lezzayer Tamaneɣt).

Sarah Atrouz yellan d talɣuɣt n Tefriqt deg taggayt n yilemẓiyen (17 n yiseggasen) texṣer deg wezgen n tneggarut mgal Tmaṣrit Mennatalla Ahmed (12 ɣer 15), ma d Abik Boungab terna-tt Ttunsit Azza Besbes s wegmuḍ n 4 ɣer 15.

Deg tneggarut, d Tatunsit Azza Besbes (25 n yiseggasen) ay yernan Tamaṣrit Mennatalla Ahmed s 15 n tinnaliyin ɣer 8. S waya, d tikkelt tis 18 aydeg Besbes ad d-terbeḥ arraz afriqi am wakken ay d-terbeḥ 2 n tzalɣiwin n wureɣ deg telɣuɣa-a deffir ma terbeḥ-d tamezwarut, ass n ljemɛa, mgal weltma-s tameqrant deg yimenɣi aterrasan s ugestur.

ɣer yergazen, ass wis sin n telɣuɣa-a d win aydeg d Asinigali Alexandre Bouzaid ay irebḥen taneggarut mgal Umaṣri Ayman Fayez s 10 n tinnalyin ɣer 6.