ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔ ⵢⴻⵜⵜⵄⴻⴹⴹⵉⵍ ⴰⴷ ⵢⴻⴱⴷⵓ ⵓⴱⴻⴷⴷⴻⵍ ⵏ ⵍⵇⴰⵏⵓⵏ ⵏ ⵓⵙⵙⴻⴼⵔⴻⴽ ⵏ ⵢⵉⵣⴰⵡⴰⵖⴻⵏ (ⴼⴻⵔⵔⵧⵓⴽⵀⵉ)

ⵜⵉⵀⴻⵔⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵉⵀⴻⵔⵜ ⴷⴰⴽⴽⴻⵏ ⴰⴷ ⵢⴻⴱⴷⵓ, ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵉⵏ, ⵡⴻⵙⵏⴻⵔⵏⵉ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵔⵣⴰⵏ ⴰⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵢⵉⵣⴰⵡⴰⵖⴻⵏ.

ⴷⴻⴳ ⵜⵃⴰⵔⴰⵣⵜ ⵏ ⵎⴻⴽⵙⴻⵎ ⴻⵍ ⵀⴰⵍⴰⵉⵙ, ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⴷⴷⵀⴻⴱ, ⴰⵏⴷⴰ ⴰⵢ ⵢⴻⵙⵙⴻⵍⵡⵉ (ⵜⴰⵔⴰ’’ⴰⵙⴰ) ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ 600 ⵏ ⵢⵉⵎⴻⴽⵙⴰⵡⴻⵏ ⵏ ⵜⴻⵎⵏⴰⴹⵉⵏ ⵏ ⵓⵣⴰⵡⴰⵖ ⴷ ⵓⵏⴻⵥⵔⵓⴼ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵖⴻⴼ ⵓⵖⴰⵡⴰⵙ ⴰⵜⵡⵉⵍⴰⵏ (ⵜⵉⵇⵏⵉ) ⴰⴷ ⵢⴻⴱⴷⵓ ⵡⴻⵙⴱⵓⵖⴻⵔ-ⵏⵏⴻⵙ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵡⴻⵅⵅⴰⵎ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵡⴻⵙⵏⴻⴼⵍⵉ ⵏ ⵓⵣⴰⵡⴰⵖ ⴷⴻⴳ ⵜⴻⵎⴷⵉⵏⵜ ⵏ ⴵⴻⵍⴼⴰ.

ⵉⵅⴻⴱⴱⴻⵔ-ⴷ ⴷⴰⵖ ⴷⴰⴽⴽⴻⵏ ⴰⵙⴱⵓⵖⴻⵔ (ⵉⵜⵔⴰ’) ⵏ ⵓⵙⴻⵏⴼⴰⵔ-ⴰ ⵏ ⵍⵇⴰⵏⵓⵏ ⴰⴷ ⴷ-ⵢⵉⵍⵉ ⵙ ⵓⵜⵜⴻⴽⴽⵉ ⵏ ⵢⵉⵎⴻⴽⵙⴰⵡⴻⵏ ⵉ ⵡⴻⵙⵏⴻⴼⵍⵉ ⵏ ⵜⴻⵎⵏⴰⴹⵉⵏ ⵏ ⵓⵣⴰⵡⴰⵖ ⴷ ⵓⵙⵙⴻⵎⵖⴻⵔ ⵏ ⵜⵊⵓⵎⵎⴰ (ⵎⵉⵙⴰⵃⴰⵜ) ⵏ ⵜⵃⴰⵔⴰⵣⵉⵏ ⵙⴻⴳ 3 ⵖⴻⵔ 7 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ ⵙⴻⴳ-ⴰ ⵖⴻⵔ 3 ⵏ ⵢⵉⵙⴻⴳⴳⴰⵙⴻⵏ.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵍⵇⴰⵏⵓⵏ-ⴰ ⴰⴷ ⴷ-ⵉⵃⴰⵣ ⴰⴽⴽ ⵉⴷⵉⵙⴰⵏ ⵢⴻⵔⵣⴰⵏ ⴰⴳⴷⴰⵍ (ⵎⴰⵏⵄ) ⵏ ⵓⵖⴻⵍⵍⴻⵜ ⵢⴻⴽⴽⴰⵏ ⵉ ⵜⵍⵉⵙⴰ ⵏ ⵜⵃⴰⵔⴰⵣⵉⵏ ⵏ ⵜⴽⴻⵙⵙⴰⵡⵜ ⴷⴻⴳ ⵜⴻⵎⵏⴰⴹⵉⵏ ⵏ ⵓⵣⴰⵡⴰⵖ ⴷ ⵜⴽⴻⵔⵣⴰ ⵜⴰⵡⴻⵃⵛⵉⵜ. ⵜⵉⵃⴰⵔⴰⵣⵉⵏ-ⴰ ⴰⴷ ⵜⵜⵡⴰⵃⴻⵔⵣⴻⵏⵜ ⵉ ⵍⴼⴰⵢⴷⴰ ⵏ ⵢⵉⵎⴻⴽⵙⴰⵡⴻⵏ ⵢⴻⵜⵜⴻⴽⴽⴰⵢⴻⵏ ⵙ ⵜⵉⴷⴻⵜ ⴷⴻⴳ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⴱⴷⴻⵔ-ⴷ ⵓⵏⴻⵖⵍⴰⴼ ⴰⵣⴰⵍ ⵏ ⵡⴻⵎⵄⴰⵡⴻⵏ ⴳⴰⵔ ⵢⵉⵎⴻⴽⵙⴰⵡⴻⵏ ⴷ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵡⴻⵙⵏⴻⴼⵍⵉ ⵏ ⵓⵣⴰⵡⴰⵖ ⵉ ⵍⵎⴻⵏⴷ ⵏ ⵡⴻⵙⵏⴻⴼⵍⵉ ⵏ ⵜⴽⴻⵙⵙⴰⵡⵜ, ⵉⵎⵉ ⴰⵢⴰ ⴰⴷ ⵢⴻⵙⵙⴻⵏⵇⴻⵙ ⴰⴵⴰⵡ ⵏ ⵡⴻⴽⵙⵓⵎ ⵙⴻⴳ ⵜⵎⵓⵔⴰ ⵏ ⵡⴻⵣⵖⴰⵔ ⵢⴻⵔⵏⵓ ⵜⴻⵣⵎⴻⵔ ⴰⴷ ⵜⵓⵖⴰⵍ ⵍⴻⵣⵣⴰⵢⴻⵔ ⴷ ⵏⴻⵜⵜⴰⵜ ⴰⴷ ⵢⴻⵙⵙⴰⴵⴰⵡⴻⵏ.