Asebter amenzawi

Ur yettɛeḍḍil ad yebdu ubeddel n lqanun n ussefrek n yizawaɣen (Ferroukhi)

TIHERT – Yenna-d uneɣlaf n tfellaḥt, Sid Ahmed Ferroukhi, ass n lḥedd deg Tihert dakken ad yebdu, dduṛt ay d-yetteddin, wesnerni n usenfar n lqanun yerzan assefrek (tasyir) n yizawaɣen.

Deg tḥarazt n Meksem El Halais, deg tɣiwant n Ɛin Ddheb, anda ay yesselwi (tara’’asa) yiwen n wemyager d 600 n yimeksawen n temnaḍin n uzawaɣ d uneẓruf, yenna-d uneɣlaf dakken asenfar n lqanun ɣef uɣawas atwilan (tiqni) ad yebdu wesbuɣer-nnes dduṛt ay d-yetteddun deg wexxam n Useqqamu Unnig i Wesnefli n Uzawaɣ deg temdint n Ǧelfa.

Ixebber-d daɣ dakken asbuɣer (itra’) n usenfar-a n lqanun ad d-yili s uttekki n yimeksawen i wesnefli n temnaḍin n uzawaɣ d ussemɣer n tjumma (misaḥat) n tḥarazin seg 3 ɣer 7 n yimelyunen n yiqeṭṭaren seg-a ɣer 3 n yiseggasen.

Yenna-d uneɣlaf dakken lqanun-a ad d-iḥaz akk idisan yerzan agdal (manɛ) n uɣellet yekkan i tlisa n tḥarazin n tkessawt deg temnaḍin n uzawaɣ d tkerza taweḥcit. Tiḥarazin-a ad ttwaḥerzent i lfayda n yimeksawen yettekkayen s tidet deg wesnefli (tanmiya) n tdamsa taɣelnawt.

Seg yidis niḍen, yebder-d uneɣlaf azal n wemɛawen gar yimeksawen d Useqqamu Unnig i Wesnefli n Uzawaɣ i lmend n wesnefli n tkessawt, imi aya ad yessenqes aǧaw n weksum seg tmura n wezɣar yernu tezmer ad tuɣal Lezzayer d nettat ad yessaǧawen.