Asebter amenzawi
Tlemsan: anqas n temsal n usserwel n sselɛa s 70% deg 3 n wayyuren imezwura n 2016
TLEMSAN– Yenqes wemḍan n temsal n ussetti (tahrib) s 70% deg 3 n wayyuren imezwura n 2016 deg twilayt n Tlemsan ɣef leḥsab n yilindi tallit-a, ɣef wakken ay aɣ-d-yenna umenzaḍ (qa’id) n temsetlelt taɣelnawt n temnaḍt-a ass n lḥedd tameddit.
Ixebber-d ugenses-aknaner Mohamed Salah Refada, deg yiwen n usarag n tɣemsa, dakken amḍan n temsal n ussetti yenqes-d ɣer 127, deffir ma llant-d 441 n temsal n ussetti deg 3 n wayyuren imezwura n 2015, yernu yenna-d dakken aseggas-a, 120.035 n yilitren n userɣu ay yettwaḍḍfen deg 3 n wayyuren imezwura (yili ilindi ttwaḍḍfent 460.870 n yilitren deg tallit-nni). Ma d tasmekta n tuččit ay yettwaḍḍfen aseggas-a tenqes-d ɣer 265 n yikilugṛamen yili ilindi, 1.783 n yikilugṛamen ay yettwaḍḍfen. Seg yidis niḍen, ttwaḍḍfen 7.234 n yikilugṛamen n nnḥas ay yettwaḍḍfen deg tezwara n useggas-a, yili ttwaḍḍfen 9.850 n yikilugṛamen deg 3 n wayyuren imezwura n 2015.
Tamsetlelt tessaweḍ ɣer yegmaḍ-a s ussugget n tenqiḍin n tɛessast, timezziyin (dawriyyat) d yekminen ay la tetteg temsetlelt deg yebriden d tezribin n twilayt, ladɣa deg temnaḍin iqerben ɣer tlisa, yernu yella-d waya deg ukatar n uɣawas n « Lalla Meɣneyya » i lmend n usseḥṛes n tegnit ɣef yemsettiyen (muharribin).
Deg wayen yerzan assetti n tehyufin d tejrimt yettwassuddsen izegren i tlisa, yenna-d ugenses-aknaner Refada dakken neqsent-d temsal ɣer 74 deg tezwara n 2016, yili ilindi llant-d 80 n temsal deg 3 n wayyuren imezwura n 2015, d acu kan, yenna-d dakken tasmekta n sselɛa ay d-yettwaḍḍfen terna ɣer 12.099 n yikilugṛamen deg 2016, yili ilindi tettwaḍḍef-d tesmekta n 11.002 n yikilugṛamen n sselɛa.
Imenɣi mgal tehyufin d ayen ay yessawḍen ɣer 50 n temsal n ccṛeɛ aydeg ttwaḍḍfen 95 n yemdanen, gar-asen 71 yettwaḥkem fell-asen s lḥebs.
