Asebter amenzawi
Tizenzelt n Ecuador: 272 ay yemmuten yernu ad yernu leḥsab (aselway)
PORTOVIEJO (Ecuador) – Tenɣa tzenzelt-nni iǧehden n 7,8 n tfesniwin n Ecuador, ass n ssebt, ma ulac, 272 n medden, ɣef leḥsab n tecrawt (ḥaṣila) ayyes d-ixebber deg yiḍ n lḥedd d letniyen uselway ikwaduṛi Rafael Correa.
« Ulac ccek dakken amḍan (n yimettanen) ad yernu yernu s waṭas », ɣef wakken ay d-iɛeyyen uselway ikwaduṛ Rafael Correa.
«Ti d tiswiɛin tiweɛṛanin, d ta ay d takesna (ma’sat) tameqrant akk ay yeḍran deg 67 n yiseggasen-a ineggura, yernu ala d tizenzelt n 1949 n Ambato ay tt-yugaren », ɣef wakken ay d-yenna.
ɣef leḥsab n yiɣef n tmurt, amḍan n yimejraḥ yewweḍ ɣer 2.068 yernu yenqes-d ɣef leḥsab n tecrawt ay d-yefka uqbel wenmazul n uselway (na’ib ra’is) Jorge Glas ay d-yennan naqal dakken jerḥen 2.557. Rafael Correa, yellan deg terzi deg Vatican, yeḍḍef-d lemɛawna n wazal n « 600 n yimelyunen n yidulaṛen », yernu yuɣal-d ɣer Manta, deg Ecuador ɣef tis 11:30 s wakud n Greenwich.
Tizenzelt-a twet-d ɣef yiri n yilel n Ecuador, yernu imeḍruren llan ttnadin s yifassen-nsen wid ay asen-iɛerqen ddaw yihuddan, nnig waya, uɣalen ttnusun deg beṛṛa imi ay ugaden lemmer ad d-tɛawed tzenzelt niḍen.
