Asebter amenzawi

Ɛin Ddefla: azraw d lebni n waṭas n temṣukin n temsetlelt taɣelnawt

ɛIN DDEFLA– Aṭas n temṣukin (hayakil) n tɣellist yeqqnen ɣer temsetlelt (darak) taɣelnawt ay la yettwazrawen neɣ la ttwebnayent deg twilayt n Ɛin Ddefla, ɣef wakken ay d-yenna ass n lḥedd yiwen n ufesyan n temsetlelt deg twilayt-a.

« Timṣukin-a d 5 n tferqtin n temsetlelt yellan deg umecwaṛ n wezraw (dirasa) d 2 niḍen ay la yettwebnayen », ɣef wakken ay d-yenna umenzaḍ (qa’id) Maamria Ahmed, iɣef n yiɣallen n temsetlelt n Ɛin Ddefla, deg yiwen n usarag n tɣemsa i tecrawt n yermuden n temsetlelt deg 3 n wayyuren imezwura n 2016.

Gar 36 n tɣiwanin ay tesɛa twilayt-a, 7 ur sɛint taferqet n temsetlelt yernu ti d Mxaṭreyya, Birbuc, Ɛin Benyan, Ɛin Buyeḥya, Benɛellal, Wad Ǧemɛa d Ǧemɛa Wlad Ccix, ɣef wakken ay d-yenna ufesyan-a, am wakken ay d-iwekked dakken lebni n tferqtin-a d ayen ad yeǧǧen tamsetlelt ad teḍmen taduli n tɣellist (amn) s 100% deg twilayt-a.

D acu kan, « ula ma 7-a n tɣiwanin ur sɛint tiferqtin n temsetlelt, aya ur yebɣi ad d-yini dakken ttweǧǧent yernu ur d-nerri lwelha ɣer-sent », ɣef wakken ay d-iwekked ufesyan-a, yernu ixebber-d dakken yella uɣawas (muxaṭṭaṭ) i tɛessast ɣef tɣiwanin-a.

Bdan daɣ lebni n tigget (wiḥda) n tgermant (tadaxxul) tuɛjilt n temsetlelt taɣelnawt deg tmaneɣt n twilayt deg 3 n wayyuren imezwura n useggas-a, ɣef wakken ay d-yenna ufesyan-a, yernu ixebber-d dakken dduṛ n tigget-a netta d aḥraz n lɛafya deg temnaḍt-a.