ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵀⵓⴷⴷⴻⵏ ⵜⵉⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴰⴽⴽⴻⴷ ⵍⴱⵓⵎⴱⴰⵜ ⵢⴻⵜⵜⵡⴰⵎⴻⵀⵍⴻⵏ ⵙ ⵓⴼⵓⵙ ⴷⴻⴳ ⵜⵓⴱⵉⵔⴻⵜ, ⴱⵓⵎⴻⵔⴷⴰⵙ ⴰⴽⴽⴻⴷ ⴵⵉⴵⴻⵍ (ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵀⵓⴷⴷ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⴽⵓⵥ (04) ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ, ⵢⵉⵡⴻⵏ (01) ⵏ ⵍⵎⴻⴷⴼⴻⵄ, ⵙⵉⵏⵜ (02) ⵍⵎⵉⵏⴰⵜ ⴰⴽⴽⴻⴷ ⵜⵣⴰ (09) ⵍⴱⵓⵎⴱⴰⵜ ⵢⴻⵜⵜⵡⴰⵎⴻⵀⵍⴻⵏ ⵙ ⵓⴼⵓⵙ ⴰⴽⴽⴻⴷ ⵓⵙⴻⴳⵔⴻⵡ ⵏ ⴷⴷⴻⵇⵙ ⵢⵉⴽⴻⵔⵟⵓⵛⴻⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵓⴱⵉⵔⴻⵜ, ⴱⵓⵎⴻⵔⴷⴰⵙ ⴰⴽⴽⴻⴷ ⴵⵉⴵⴻⵍ ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⵜⵉⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⵓⴼⴰⵏⵜ ⵙⴰⴽⵉⵏ ⵀⵓⴷⴷⴻⵏⵜ ⴷⴻⴳ ⵜⵓⴱⵉⵔⴻⵜ ⴰⴽⴽⴻⴷ ⴱⵓⵎⴻⵔⴷⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ) ⴰⴽⴽⴻⴷ ⴵⵉⴵⴻⵍ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5), ⴰⵙⵙ ⵏ 17 ⵢⴻⴱⵔⵉⵔ 2016, ⴽⵓⵥ (04) ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ,ⵢⵉⵡⴻⵏ (01) ⵏ ⵍⵎⴻⴷⴼⴻⵄ, ⵙⵏⴰⵜ (02) ⵍⵎⵉⵏⴰⵜ ⴰⴽⴽⴻⴷ ⵜⵣⴰ (09) ⵍⴱⵓⵎⴱⴰⵜ ⵢⴻⵜⵜⵡⴰⵎⴻⵀⵍⴻⵏ ⵙ ⵓⴼⵓⵙ ⴰⴽⴽⴻⴷ ⵓⵙⴻⴳⵔⴻⵡ ⵏ ⴷⴷⴻⵇⵙ ⵢⵉⴽⴻⵔⵟⵓⵛⴻⵏ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓ ⵎⴳⴰⵍ ⵏ ⵜⵉⵏⵏⵖⵉⵜ ⵜⵓⴷⴷⵉⵙⵜ, ‘’ⵉⵄⴻⵙⵙⴰⵙⴻⵏ ⵏ ⵢⵉⵍⵍⴻⵍ ⴷⴻⴳ ⵄⴻⵏⵏⴰⴱⴰ ⴰⴽⴽⴻⴷ ⵙⴽⵉⴽⴷⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5) ⵟⵟⴼⴻⵏ ⵙⴰⴽⵉⵏ ⵙⴳⴻⵔⵡⴻⵏ-ⴷ 34,52 ⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ.

ⴷⴻⴳ ⵡⴻⵔⵔⴻⴳⵍⴰ ⴰⴽⴽⴻⴷ ⵜⴱⴻⵙⴽⴻⵔⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4), ⵟⵟⴼⴻⵏⵜ ⵜⵙⴻⵏⵙⵉⵔⵉⵏ 4 ⵢⴻⵎⵙⴻⵜⵜⵉⵢⴻⵏ ⴽⵙⴻⵏ-ⴰⵙⴻⵏ 2 ⵜⴽⴻⵔⵔⵓⵙⵉⵏ, 200 ⵉⴽⵉⵍⵓⴳⵔⴰⵎⴻⵏ ⵏ ⴷⴷⴻⵅⵅⴰⵏ, 4.200 ⵏ ⵢⵉⵃⴻⵔⴱⵉⵢⴻⵏ ⴰⴽⴽⴻⴷ 514 ⵏ ⵢⵉⴼⴻⵔⴷⵉⵙⴻⵏ ⵢⴻⵎⵎⴻⵥⵍⴻⵏ ⵏ ⵜⵉⵙⵙⵉⵜ.

ⴷⴻⴳ ⵄⵉⵏ ⴳⴻⵣⵣⴰⵎ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6), ‘’ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵜⴻⵟⵟⴻⴼ 12 ⵏ ⵢⵉⵎⵉⵏⵉⴳⴻⵏ ⵓⴼⴼⵉⵔⴻⵏ’’, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.