Asebter amenzawi
Hudden tinaffarin n yiremmaɣen akked lbumbat yettwamehlen s ufus deg Tubiret, Bumerdas akked Ǧiǧel (aɣlif n Temḥaddit taɣelnawt)
LEZZAYER TAMANEɣT – Thudd tsensirt n Tredsa taɣelnawt taɣerfant (ANP) kuẓ (04) tnaffarin n yiremmaɣen, yiwen (01) n lmedfeɛ, sint (02) lminat akked tza (09) lbumbat yettwamehlen s ufus akked usegrew n ddeqs yikerṭucen ass n lḥedd deg Tubiret, Bumerdas akked Ǧiǧel i d-yenna ass n letniyen yiwen n ulɣu n uɣlif n Temḥaddit taɣelnawt (MDN).
Deg ukatar n umennuɣ mgal n yiremmaɣen, tisensirin n Tredsa taɣelnawt taɣerfant (ANP) ufant sakin huddent deg Tubiret akked Bumerdas (Tamnaḍt taserdasant tamezwarut) akked Ǧiǧel (Tamnaḍt taserdasant tis 5), ass n 17 yebrir 2016, kuẓ (04) tnaffarin n yiremmaɣen,yiwen (01) n lmedfeɛ, snat (02) lminat akked tza (09) lbumbat yettwamehlen s ufus akked usegrew n ddeqs yikerṭucen’’, i d-tesseddi teɣbalut-nni.
Seg yidis nniḍen, deg ukatar n umennu mgal n tinnɣit tuddist, ‘’iɛessasen n yillel deg Ɛennaba akked Skikda (Tamnaḍt taserdasant tis 5) ṭṭfen sakin sgerwen-d 34,52 ikilugramen n lkif.
Deg Werregla akked Tbeskert (Tamnaḍt taserdasant tis 4), ṭṭfent tsensirin 4 yemsettiyen ksen-asen 2 tkerrusin, 200 ikilugramen n ddexxan, 4.200 n yiḥerbiyen akked 514 n yiferdisen yemmeẓlen n tissit.
Deg Ɛin Gezzam (Tamnaḍt taserdasant tis 6), ‘’yiwet n tsensirt n Tredsa taɣelnawt taɣerfant teṭṭef 12 n yiminigen uffiren’’, ɣef wakken i d-yenna ulɣu n uɣlif n Temḥaddit taɣelnawt.
