Asebter amenzawi

Mestɣanem: aqeddem n wahil ahulandi n lemɛawna tatwilant n teṛmisin

MESTɣANEM– Ssukken-d ass n letniyen tiṭ, deg texxamt n tnezzut d temguri n « Ḍahra » deg Mestɣanem, ɣef wahil n lemɛawna tatwilant (tiqniyya) n teṛmisin (carikat) timeẓyanin d tlemmasin ay d-heyyan yimazzayen ihulandiyen.

Imkellef s tɣawsiwin n tkerrazt deg tmahelt (safara) n Tmura n Wadda deg Ldzayer, Henk Dorst, iwekked-d dakken tamurt-nnes tewjed ad teḍfer akk tiṛmisin tidamsanin, gar-asent tiṛmisin tilemmasin d tmeẓyanin, akken ad d-sfaydint seg weḍfar atwilan n yimazzayen (xubara’) ihulandiyen deg yinurar yemgerraden, gar-asen anrar n yimeẓla, win n temguri n usselket, win n lebni d win n yimahilen inagduden.

Seg yidis-nnes, yenna-d usemyaddas (munassiq) n wahil deg Tefriqt, Khaled Chahloul, dakken Ldzayer d yiwet seg 70 n tmura ay d-yesfaydin seg wahil-a yernu tettfaṛas tamussni n yimazzayen ihulandiyen deg ussefrek (tasyir) d wemlazmar n teṛmisin tidamsanin.

Iswi n wemyager-a d aqeddem n yeswan n wahil-a d teṛmisin tidamsanin yebɣan ad d-sfaydint se ttejṛiba tahulandit deg wenrar-a, ɣef wakken ay d-yenna.

Tiṛmisin tidamsanin n temnaḍt-a steṛḥbent s wezwur-a (mubadara) ladɣa imi ay d-tusa deg tallit n wemsizwer gar teṛmisin deg ssuq aɣelnaw aydeg d afaris (mantuǧ) d umeẓlu n tɣara ay la yettnuzun ugar.

Yella-d wemyager-a deg ukatar n ussefɛel n wemtawa n ticcurka gar Ldzayer d Tmura n Wadda ay yettwastenyan deg temlilit n Tseqqamut Tuxliḍt Tadzayrit-Tahulandit n Meɣres n 2016.