ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴻⵙⵜⵖⴰⵏⴻⵎ: ⴰⵇⴻⴷⴷⴻⵎ ⵏ ⵡⴰⵀⵉⵍ ⴰⵀⵓⵍⴰⵏⴷⵉ ⵏ ⵍⴻⵎⵄⴰⵡⵏⴰ ⵜⴰⵜⵡⵉⵍⴰⵏⵜ ⵏ ⵜⴻⵕⵎⵉⵙⵉⵏ
ⵎⴻⵙⵜⵖⴰⵏⴻⵎ– ⵙⵙⵓⴽⴽⴻⵏ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵜⵉⵟ, ⴷⴻⴳ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵏ « ⴹⴰⵀⵔⴰ » ⴷⴻⴳ ⵎⴻⵙⵜⵖⴰⵏⴻⵎ, ⵖⴻⴼ ⵡⴰⵀⵉⵍ ⵏ ⵍⴻⵎⵄⴰⵡⵏⴰ ⵜⴰⵜⵡⵉⵍⴰⵏⵜ (ⵜⵉⵇⵏⵉⵢⵢⴰ) ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ ⴰⵢ ⴷ-ⵀⴻⵢⵢⴰⵏ ⵢⵉⵎⴰⵣⵣⴰⵢⴻⵏ ⵉⵀⵓⵍⴰⵏⴷⵉⵢⴻⵏ.
ⵉⵎⴽⴻⵍⵍⴻⴼ ⵙ ⵜⵖⴰⵡⵙⵉⵡⵉⵏ ⵏ ⵜⴽⴻⵔⵔⴰⵣⵜ ⴷⴻⴳ ⵜⵎⴰⵀⴻⵍⵜ (ⵙⴰⴼⴰⵔⴰ) ⵏ ⵜⵎⵓⵔⴰ ⵏ ⵡⴰⴷⴷⴰ ⴷⴻⴳ ⵍⴷⵣⴰⵢⴻⵔ, ⵀⴻⵏⴽ ⴷⵧⵔⵙⵜ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⵡⵊⴻⴷ ⴰⴷ ⵜⴻⴹⴼⴻⵔ ⴰⴽⴽ ⵜⵉⵕⵎⵉⵙⵉⵏ ⵜⵉⴷⴰⵎⵙⴰⵏⵉⵏ, ⴳⴰⵔ-ⴰⵙⴻⵏⵜ ⵜⵉⵕⵎⵉⵙⵉⵏ ⵜⵉⵍⴻⵎⵎⴰⵙⵉⵏ ⴷ ⵜⵎⴻⵥⵢⴰⵏⵉⵏ, ⴰⴽⴽⴻⵏ ⴰⴷ ⴷ-ⵙⴼⴰⵢⴷⵉⵏⵜ ⵙⴻⴳ ⵡⴻⴹⴼⴰⵔ ⴰⵜⵡⵉⵍⴰⵏ ⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵉⵀⵓⵍⴰⵏⴷⵉⵢⴻⵏ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏ ⴰⵏⵔⴰⵔ ⵏ ⵢⵉⵎⴻⵥⵍⴰ, ⵡⵉⵏ ⵏ ⵜⴻⵎⴳⵓⵔⵉ ⵏ ⵓⵙⵙⴻⵍⴽⴻⵜ, ⵡⵉⵏ ⵏ ⵍⴻⴱⵏⵉ ⴷ ⵡⵉⵏ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵙⴻⵎⵢⴰⴷⴷⴰⵙ (ⵎⵓⵏⴰⵙⵙⵉⵇ) ⵏ ⵡⴰⵀⵉⵍ ⴷⴻⴳ ⵜⴻⴼⵔⵉⵇⵜ, ⴽⵀⴰⵍⴻⴷ ⵛⵀⴰⵀⵍⵧⵓⵍ, ⴷⴰⴽⴽⴻⵏ ⵍⴷⵣⴰⵢⴻⵔ ⴷ ⵢⵉⵡⴻⵜ ⵙⴻⴳ 70 ⵏ ⵜⵎⵓⵔⴰ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵡⴰⵀⵉⵍ-ⴰ ⵢⴻⵔⵏⵓ ⵜⴻⵜⵜⴼⴰⵕⴰⵙ ⵜⴰⵎⵓⵙⵙⵏⵉ ⵏ ⵢⵉⵎⴰⵣⵣⴰⵢⴻⵏ ⵉⵀⵓⵍⴰⵏⴷⵉⵢⴻⵏ ⴷⴻⴳ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⴷ ⵡⴻⵎⵍⴰⵣⵎⴰⵔ ⵏ ⵜⴻⵕⵎⵉⵙⵉⵏ ⵜⵉⴷⴰⵎⵙⴰⵏⵉⵏ.
ⵉⵙⵡⵉ ⵏ ⵡⴻⵎⵢⴰⴳⴻⵔ-ⴰ ⴷ ⴰⵇⴻⴷⴷⴻⵎ ⵏ ⵢⴻⵙⵡⴰⵏ ⵏ ⵡⴰⵀⵉⵍ-ⴰ ⴷ ⵜⴻⵕⵎⵉⵙⵉⵏ ⵜⵉⴷⴰⵎⵙⴰⵏⵉⵏ ⵢⴻⴱⵖⴰⵏ ⴰⴷ ⴷ-ⵙⴼⴰⵢⴷⵉⵏⵜ ⵙⴻ ⵜⵜⴻⵊⵕⵉⴱⴰ ⵜⴰⵀⵓⵍⴰⵏⴷⵉⵜ ⴷⴻⴳ ⵡⴻⵏⵔⴰⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵜⵉⵕⵎⵉⵙⵉⵏ ⵜⵉⴷⴰⵎⵙⴰⵏⵉⵏ ⵏ ⵜⴻⵎⵏⴰⴹⵜ-ⴰ ⵙⵜⴻⵕⵃⴱⴻⵏⵜ ⵙ ⵡⴻⵣⵡⵓⵔ-ⴰ (ⵎⵓⴱⴰⴷⴰⵔⴰ) ⵍⴰⴷⵖⴰ ⵉⵎⵉ ⴰⵢ ⴷ-ⵜⵓⵙⴰ ⴷⴻⴳ ⵜⴰⵍⵍⵉⵜ ⵏ ⵡⴻⵎⵙⵉⵣⵡⴻⵔ ⴳⴰⵔ ⵜⴻⵕⵎⵉⵙⵉⵏ ⴷⴻⴳ ⵙⵙⵓⵇ ⴰⵖⴻⵍⵏⴰⵡ ⴰⵢⴷⴻⴳ ⴷ ⴰⴼⴰⵔⵉⵙ (ⵎⴰⵏⵜⵓⴵ) ⴷ ⵓⵎⴻⵥⵍⵓ ⵏ ⵜⵖⴰⵔⴰ ⴰⵢ ⵍⴰ ⵢⴻⵜⵜⵏⵓⵣⵓⵏ ⵓⴳⴰⵔ.
ⵢⴻⵍⵍⴰ-ⴷ ⵡⴻⵎⵢⴰⴳⴻⵔ-ⴰ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ ⵏ ⵜⵉⵛⵛⵓⵔⴽⴰ ⴳⴰⵔ ⵍⴷⵣⴰⵢⴻⵔ ⴷ ⵜⵎⵓⵔⴰ ⵏ ⵡⴰⴷⴷⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵜⴻⵎⵍⵉⵍⵉⵜ ⵏ ⵜⵙⴻⵇⵇⴰⵎⵓⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵀⵓⵍⴰⵏⴷⵉⵜ ⵏ ⵎⴻⵖⵔⴻⵙ ⵏ 2016.
