ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵏⴻⵙⵛⵧ ⵉ ⵍⵎⴻⵏⴷ ⵏ ⵡⴻⵃⵔⴰⵣ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵜⴰⴼⴰⵍⴻⵙⵟⵉⵏⵉⵜ ⴷ ⵜⵏⴻⵚⵍⵉⵜ ⵏ ⵜⴻⵎⴷⵉⵏⵜ ⵏ ⵍⵇⵓⴷⵙ

ⵒⴰⵔⵉⵙ– ⵜⴳⴻⵔ-ⴷ ⵜⵉⵖⵔⵉ ⵜⵏⴻⵎⵀⴰⵍⵜ (ⵎⵓⴷⵉⵔⴰ) ⵜⴰⵎⴰⵜⵓⵜ ⵏ ⵜⴷⵓⴽⵍⵉ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⴳⵎⵉ, ⵜⵓⵙⵙⵏⴰ ⴷ ⵢⴻⴷⵍⴻⵙ (ⵓⵏⴻⵙⵛⵧ), ⵉⵔⵉⵏⴰ ⴱⵧⴽⵧⵠⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⵉ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵜⴷⵓⴽⵍⵉ-ⴰ ⴰⴽⴽⴻⵏ « ⴰⴷ ⴽⴻⵎⵎⵍⴻⵏ ⴰⵅⴻⴷⴷⵉⵎ ⴷⴻⴳ ⵕⵕⵓⵃ ⴰⴷ ⵢⴻⵙⴱⴻⵖⵙⴻⵏ ⴰⵎⵛⵉⵡⴻⵕ », ⴷⴻⴼⴼⵉⵔ ⵎⴰ ⵢⴻⵜⵜⵡⴰⴷⴷⴻⵎ ⵢⵉⵡⴻⵏ ⵏ ⵡⴻⵖⵜⴰⵙ (ⵇⴰⵔⴰⵔ) ⵉ ⵍⵎⴻⵏⴷ ⵏ ⵡⴻⵃⵔⴰⵣ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵜⴰⴼⴰⵍⴻⵙⵟⵉⵏⵉⵜ ⴷⴻⴳ ⵜⴻⵎⴷⵉⵏⵜ ⵜⴰⵇⴱⵓⵔⵜ ⵏ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ.

ⴰⵖⵜⴰⵙ-ⴰ ⵢⴻⵍⵍⴰ-ⴷ ⵙ ⵕⵕⴰⵢ ⵏ ⵡⴰⵟⴰⵙ ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⵢⴻⵔⵏⵓ ⵢⴻⵇⴱⴻⵍ-ⵉⵜ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵓⵏⴻⵙⵛⵧ ⴰⵙⵙ ⵏ ⵍⴻⵅⵎⵉⵙ ⵉ ⵍⵎⴻⵏⴷ ⵏ « ⵡⴻⵃⵔⴰⵣ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵜⴰⴼⴰⵍⴻⵙⵟⵉⵏⵉⵜ ⴷ ⵚⵚⵉⴼⴰ » ⵜⴰⵎⴰⵥⵍⴰⵢⵜ (ⵎⵓⵎⴰⵢⵢⴰⵣⴰ) ⵏ ⵜⴻⵎⴷⵉⵏⵜ ⵏ ⵍⵇⵓⴷⵙ ⵜⴰⴳⵎⵓⴹⴰⵏⵜ (ⵛⴰⵔⵇⵉⵢⵢⴰ).

ⵢⵉⵡⴻⵜ ⵙⴻⴳ ⵜⵚⴻⴷⴷⴰⵔⵉⵏ ⵏ ⵡⴻⴹⵔⵉⵙ-ⴰ ⵜⴻⵜⵜⵀⴻⵎ ⵉⵙⵕⴰⵢⵉⵍ ⵙ ⵓⵙⵙⴻⵔⵙⵉ ⵏ « ⵢⵉⵥⴻⴽⵡⴰⵏ ⵓⴷⴰⵢⴻⵏ ⵏ ⵜⴽⴻⵍⵍⴰⵅ » ⴷⴻⴳ ⵜⴻⵎⵇⴻⴱⵔⵉⵏ ⵜⵉⵏⵙⴻⵍⵎⵉⵏ ⵏ ⵍⵇⵓⴷⵙ ⵜⴰⴳⵎⵓⴹⴰⵏⵜ, ⵎⴰ ⴷ ⵜⴰⵚⴻⴷⴷⴰⵔⵜ ⵏⵉⴹⴻⵏ « ⵜⵡⴻⵜ-ⴷ ⵙ ⵜⴻⵇⵙⴻⵃ ⴷⴻⴳ ⵢⴻⵜⵄⴻⴷⴷⵉⵢⴻⵏ » ⴰⵢ ⵣⴳⴰⵏ ⵜⵜⴳⴻⵏ-ⵜⴻⵏ ⵢⵉⵙⵕⴰⵢⵉⵍⵉⵢⴻⵏ ⵎⴳⴰⵍ ⵢⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⴷⵉⵏⵜ ⵏ ⵍⵇⵓⴷⵙ, ⵜⴻⵏⵏⴰ-ⴷ ⵜⵏⴻⵎⵀⴰⵍⵜ ⵏ ⵓⵏⴻⵙⵛⵧ ⴷⴰⴽⴽⴻⵏ ⵜⴰⵎⴷⵉⵏⵜ-ⴰ ⴷ « ⴰⴽⴰⵍ ⵉⵎⵇⴻⴷⴷⴻⵙ ⵏ 3 ⵏ ⴷⴷⵢⴰⵏⴰⵜ ⵜⵉⴳⴻⵏⵡⴰⵏⵉⵏ, ⴷ ⴰⵎⴽⴰⵏ ⵏ ⵡⴻⵎⵛⵉⵡⴻⵕ ⵉ ⵡⴰⴽⴽ ⵎⴻⴷⴷⴻⵏ ⵢⴻⵔⵏⵓ ⵓⵔ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵛⴻⵎⵎⴰ ⴰⴷ ⵉⴱⴻⴷⴷⵍⴻⵏ ⵜⵓⵎⵎⴷⴰ-ⵏⵏⴻⵙ ⵏⴻⵖ ⵜⴰⵏⴻⵚⵍⵉⵜ-ⵏⵏⴻⵙ ». ⵜⴰⵎⴷⵉⵏⵜ-ⴰ ⴷ « ⴰⵄⴱⴰⵏ (ⴼⵓⵙⴰⵢⴼⵉⵙⴰ’) ⵏ ⵢⵉⴷⴻⵍⵙⴰⵏ ⴷ ⵢⵉⵖⴻⵔⴼⴰⵏ, ⵢⴻⵔⵏⵓ ⴰⵎⴻⵣⵔⵓⵢ-ⵏⵙⴻⵏ ⵢⴻⵎⵙⴻⵍ-ⴷ ⴰⵎⴻⵣⵔⵓⵢ ⵏ ⵜⴰⵍⵙⴰ ⵙ ⵍⴻⴽⵎⴰⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ. « ⵛⵉⴽⴽⴻⵖ ⴷⴰⴽⴽⴻⵏ ⵉⵡⴰⵏⴰⴽⴻⵏ ⵉⵎⴰⵙⵍⴰⴹⴻⵏ (ⴰⵄⴹⴰ’) ⵙⵄⴰⵏ ⵜⴰⵎⴰⵙⵉⵜ ⴷⴻⴳ ⵓⴽⴰⵜⴰⵔ ⵏ ⵍⴻⵡⵚⴰⵢⴰ ⵏ ⵓⵏⴻⵙⵛⵧ, ⴰⴽⴽⴻⵏ ⴰⴷ ⵅⴻⴷⵎⴻⵏ ⴷⴻⴳ ⵕⵕⵓⵃ ⴰⵢ ⵢⴻⵙⵙⴻⴱⵖⴰⵙⴻⵏ ⴰⵎⵛⵉⵡⴻⵕ, ⴰⵎⵙⵓⵔⴻⴼ ⴷ ⵜⴰⵍⵡⵉⵜ ».