ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵍⴻⵎⵙⴰⵏ: ⵜⵓⴹⴹⴼⴰ ⵏ 6,5 ⵏ ⵢⵉⵇⴻⵏⵟⴰⵔⴻⵏ ⵏ ⵍⴽⵉⴼ ⴷⴻⴳ ⵎⴻⵖⵏⴻⵢⵢⴰ
ⵜⵍⴻⵎⵙⴰⵏ- ⴹⴹⴼⴻⵏ ⵢⵉⵖⴰⵍⵍⴻⵏ ⵏ ⵢⵉⵎⴻⵏⵖⵉ ⵎⴳⴰⵍ ⵜⴻⵀⵢⵓⴼⵉⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⵡⵉⵍⴰⵢⵜ ⵏ ⵜⵍⴻⵎⵙⴰⵏ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⴹ, ⴷⴻⴳ ⵜⴻⵎⵏⴰⴹⵜ ⵏ ⵎⴻⵖⵏⴻⵢⵢⴰ, ⵜⴰⵙⵎⴻⴽⵜⴰ ⵏ 6,5 ⵏ ⵢⵉⵇⴻⵏⵟⴰⵔⴻⵏ ⵏ ⵍⴽⵉⴼ ⴰⵢ ⴷ-ⵢⵓⵙⴰⵏ ⵙⴻⴳ ⵎⴻⵕⵕⵓⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴱⵏⵉⵇⵜ (ⵅⴰⵍⵉⵢⵢⴰ) ⵏ ⵜⴻⵖⵡⴰⵍⵜ ⵏ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ.
ⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⵖⴻⵍⵍⵜⴻⵏ ⵉⵙⴰⵍⴰⵏ ⴰⵢ ⵜⴻⵏ-ⵉⴷ-ⵢⴻⵡⵡⴹⴻⵏ ⵖⴻⴼ ⵢⵉⵡⴻⵜ ⵏ ⵜⴽⴻⵕⵕⵓⵙⵉⵏ ⴰⵢ ⴷ-ⵉⴱⵓⴱⴱⴻⵏ ⵜⴰⵙⵎⴻⴽⵜⴰ ⵎⴻⵖⵖⵔⴻⵏ ⵏ ⵜⴻⵀⵢⵓⴼⵉⵏ ⵢⴻⵔⵏⵓ ⵢⴻⵜⵜⴻⴷⴷⵓ ⵖⴻⵔ ⵎⴻⵖⵏⴻⵢⵢⴰ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵎⵙⵓⵍⵜⴰ ⴰⴷ ⵙⵙⴻⵔⵙⴻⵏ ⵜⵜⴰⵡⵉⵍ ⵢⴻⵙⵙⴰⵡⴹⴻⵏ ⵖⴻⵔ ⵜⵓⴹⴹⴼⴰ ⵏ ⵜⴽⴻⵕⵕⵓⵙⵜ-ⵏⵏⵉ ⴰⵢⴷⴻⴳ ⵢⴻⵍⵍⴰ ⵛⵛⴻⴽ. ⴰⵏⴻⵀⵀⴰⵕ-ⵏⵏⴻⵙ ⵢⴻⵙⵙⴰⵡⴻⴹ ⴰⴷ ⵢⴻⵔⵡⴻⵍ ⴷⴻⴳ ⵜⵉⵍⵍⴰⵙ.
ⴰⴼⴻⵜⵜⴻⵛ ⵉⵎⴷⴻⵇⵇⴻⵇ ⵏ ⵜⴽⴻⵕⵕⵓⵙⵜ-ⵏⵏⵉ ⵢⴻⵙⵙⴰⵡⴻⴹ ⵜⴰⵎⵙⵓⵍⵜⴰ (ⵛⵓⵔⵟⴰ) ⴰⴷ ⴷ-ⵜⴰⴼ ⵜⴰⵀⵢⵓⴼⵜ-ⵏⵏⵉ ⵢⴻⵍⵍⴰⵏ ⵜⴻⵜⵜⵡⴰⵊⴻⵍⵍⴻⵍ ⴷⴻⴳ 27 ⵏ ⵢⵉⴽⴻⵔⵔⵓⴷⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵙⵙⴰⵡⴹⴻⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⴰⴷ ⴷ-ⴹⴹⴼⴻⵏ, ⴰⵙⵙ-ⵏⵏⵉ ⵏ ⵍⴻⵜⵏⵉⵢⴻⵏ ⴷⴰⵖ, ⴷⴻⴳ ⵓⵏⴻⵎⵍⴰⵍ ⵏ ⵄⵉⵏ ⵍⴻⵃⴵⴻⵕ, ⴷⴻⴳ ⴽⵧⵓⵉⴷⴻⵜ, ⴰⵢ ⵢⴻⵜⵜⴰⵡⵉⵏ ⵖⴻⵔ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ, ⵢⵉⵡⴻⵜ ⵏ ⵜⴽⴻⵕⵕⵓⵙⵜ ⴰⵢⴷⴻⴳ ⴷ-ⵔⴻⴽⴱⴻⵏ ⵢⵉⵡⴻⵏ ⵏ ⵡⴻⵔⴳⴰⵣ ⴷ ⴳⵎⴰ-ⵙ ⵢⴻⵍⵍⴰⵏ ⵢⴻⵙⵄⴰ ⵓⴳⵓⵔⴻⵏ ⴷ ⵍⵇⴰⵏⵓⵏ. ⴰⴼⴻⵜⵜⴻⵛ ⵏ ⵜⴽⴻⵕⵕⵓⵙⵜ-ⴰ ⵢⴻⴵⴵⴰ ⵉⵎⵙⵓⵍⵜⴰ ⴰⴷ ⴷ-ⴰⴼⴻⵏ 155 ⵏ ⵜⵄⴻⵇⵇⴰⵛⵉⵏ ⵏ ⵍⴻⵄⵇⴻⵍ ⵢⴻⴼⴼⵔⴻⵏ ⴷⴻⴳ ⵡⴻⵎⵙⴰⵎⵎⴰⵔ ⵏ ⵜⴽⴻⵕⵕⵓⵙⵜ-ⵏⵏⵉ.
ⵜⵜⵡⴰⵔⴻⵥⵎⴻⵏ ⵙⵉⵏ ⵏ ⵢⴻⵃⵜⴰⵛⴻⵏ ⵖⴻⴼ ⵜⴻⵎⵙⴰⵍⵜ-ⴰ ⵉ ⵜⵎⵓⵙⵙⵏⵉ ⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴻⵜⵜⵉ ⵏ ⵙⵙⴻⵍⵄⴰ-ⴰ ⵢⴻⵜⵜⵡⴰⴳⴻⴷⵍⴻⵏ (ⵎⴰⵎⵏⵓⵄⴰ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴱⵏⵉⵇⵜ-ⴰ ⵏ ⵜⴻⵖⵡⴰⵍⵜ.
