Asebter amenzawi

Tlemsan: tuḍḍfa n 6,5 n yiqenṭaren n lkif deg Meɣneyya

TLEMSAN- Ḍḍfen yiɣallen n yimenɣi mgal tehyufin n tɣellist (amn) n twilayt n Tlemsan, ass n letniyen deg yiḍ, deg temnaḍt n Meɣneyya, tasmekta n 6,5 n yiqenṭaren n lkif ay d-yusan seg Meṛṛuk, ɣef wakken ay d-tenna tebniqt (xaliyya) n teɣwalt n tɣellist n twilayt.

Iɣallen n tɣellist ɣellten isalan ay ten-id-yewwḍen ɣef yiwet n tkeṛṛusin ay d-ibubben tasmekta meɣɣren n tehyufin yernu yetteddu ɣer Meɣneyya, dɣa d aya ay yeǧǧan imsulta ad ssersen ttawil yessawḍen ɣer tuḍḍfa n tkeṛṛust-nni aydeg yella ccek. Anehhaṛ-nnes yessaweḍ ad yerwel deg tillas.

Afettec imdeqqeq n tkeṛṛust-nni yessaweḍ tamsulta (curṭa) ad d-taf tahyuft-nni yellan tettwajellel deg 27 n yikerruden.

Seg yidis niḍen, ssawḍen yiɣallen n tɣellist ad d-ḍḍfen, ass-nni n letniyen daɣ, deg unemlal n Ɛin Leḥǧeṛ, deg Kouidet, ay yettawin ɣer webrid amazzal Agmuḍ-Ataram, yiwet n tkeṛṛust aydeg d-rekben yiwen n wergaz d gma-s yellan yesɛa uguren d lqanun. Afettec n tkeṛṛust-a yeǧǧa imsulta ad d-afen 155 n tɛeqqacin n leɛqel yeffren deg wemsammar n tkeṛṛust-nni.

Ttwareẓmen sin n yeḥtacen ɣef temsalt-a i tmussni n wid yettekkan deg ussetti n sselɛa-a yettwagedlen (mamnuɛa) ɣef wakken ay d-tenna tebniqt-a n teɣwalt.