ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⴳⴻⵙⵜⵓⵔ (ⴰⵙⵙ ⵡⵉⵙ 4): ⵜⴰⵣⴰⵍⵖⵉ ⵏ ⵡⴻⵥⵔⴻⴼ ⴷ 2 ⵏ ⵡⴻⴱⵕⵓⵏⵣ ⵉ ⵍⴷⵣⴰⵢⴻⵔ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵔⴱⴻⵃ-ⴷ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⴽⵓⴱⴰ ⵏ ⵜⵙⴻⴷⵏⴰⵏ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵣⴻⵇⵇⴰ ⵏ ⵀⴰⵔⵛⵀⴰ-ⵀⴰⵛⴻⵏⴻ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) 1 ⵏ ⵜⵣⴰⵍⵖⵉ ⵏ ⵡⴻⵥⵔⴻⴼ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⴳⴻⵙⵜⵓⵔ, ⴷⴻⴳ ⵜⴳⴰⵔⴰ ⵏ ⵡⴰⵙⵙ ⵡⵉⵙ 4 ⵏ ⵜⴻⵍⵖⵓⵖⴰ-ⴰ.

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ, ⴰⵢⴷⴻⴳ ⵜⵜⴻⴽⴽⴰⵏⵜ ⴰⴱⵉⴽ ⴱⵧⵓⵏⴳⴰⴱ, ⵙⴰⵔⴰⵀ ⴰⵜⵔⵧⵓⵣ, ⵙⵧⵏⵉⴰ ⴰⴱⴷⵉⵛⵀⴻ ⴷ ⴰⵎⵉⵔⴰ ⴰⵍⵀⴰⴼⵉⴰ, ⵜⴻⵅⵚⴻⵔ ⴷⴻⴳ ⵜⵏⴻⴳⴳⴰⵔⵓⵜ ⵎⴳⴰⵍ ⵜⴻⵖⵍⴰⵎⵜ ⵜⴰⵜⵓⵏⵙⵉⵜ ⵙ ⵡⴻⴳⵎⵓⴹ ⵏ 45 ⵏ ⵜⵉⵏⵏⴰⵍⵉⵢⵉⵏ ⵖⴻⵔ 43.

ⵜⴰⵣⴰⵍⵖⵉ ⵏ ⵡⴻⴱⵕⵓⵏⵣ ⵜⴻⵔⴱⴻⵃ-ⵉⵜⵜ-ⵉⴷ ⵎⴰⵚⴻⵔ ⴰⵢ ⵢⴻⵙⵙⴰⵡⴹⴻⵏ ⴰⴷ ⵜⴻⵔⵏⵓ ⵜⴰⵖⵍⴰⵎⵜ ⵏ ⵙⵉⵏⵉⴳⴰⵍ ⵙ 45 ⵏ ⵜⵉⵏⵏⴰⵍⵉⵢⵉⵏ ⵖⴻⵔ 27. ⴷⵉⵎⴰ ⵖⴻⵔ ⵜⵙⴻⴷⵏⴰⵏ, ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵜⴻⵔⴱⴻⵃ-ⴷ ⵜⴰⵣⴰⵍⵖⵉ ⵏ ⵡⴻⴱⵕⵓⵏⵣ ⴷⴻⴼⴼⵉⵔ ⵎⴰ ⵜⴻⵅⵚⴻⵔ ⴷⴻⴳ ⵡⴻⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵎⴳⴰⵍ ⵜⵉⵏ ⵏ ⵜⵓⵏⴻⵙ (26-45).

ⵙ ⵡⴰⵢⴰ, ⴷⴻⴳ ⵢⵉⵎⴻⵏⵖⵉ ⴳⴰⵔ ⵜⴻⵖⵍⴰⵎⵉⵏ, ⴷ ⵎⴰⵚⴻⵔ ⴰⵢ ⴷ-ⵉⵔⴻⴱⵃⴻⵏ ⵜⴰⵣⴰⵍⵖⵉ ⵏ ⵡⵓⵔⴻⵖ ⴷⴻⴼⴼⵉⵔ ⵎⴰ ⵜⴻⵔⵏⴰ ⵜⵓⵏⴻⵙ ⵙ 43 ⵏ ⵜⵉⵏⵏⴰⵍⵉⵢⵉⵏ ⵖⴻⵔ 41, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢ ⵢⴻⵇⵇⵉⵎⴻⵏ ⵜⴰⵙⴰⵄⴻⵜ ⴷ ⵡⴻⵣⴳⴻⵏ ⵖⴻⴼ ⵍⴵⴰⵍ ⵏ ⵜⵓⵛⵛⵉⴹⵉⵡⵉⵏ ⴷ ⵓⵛⵛⴻⵜⴽⵉ ⴰⵢ ⴷ-ⵢⴻⵍⵍⴰⵏ ⵙⴻⴳ ⵙⵏⴰⵜ-ⵏⵏⵉ ⵏ ⵜⴻⵖⵍⴰⵎⵉⵏ. ⴷⴻⴼⴼⵉⵔ 4 ⵡⵓⵙⵙⴰⵏ ⵏ ⵡⴻⵎⵙⵉⵣⵡⴻⵔ, ⵍⴷⵣⴰⵢⴻⵔ ⵜⴻⴹⴹⴻⴼ ⴰⵎⴽⴰⵏ ⵡⵉⵙ 4 ⵙ 7 ⵏ ⵜⵣⴰⵍⵖⵉⵡⵉⵏ (2 ⵏ ⵡⴻⵥⵔⴻⴼ ⴷ 5 ⵏ ⵡⴻⴱⵕⵓⵏⵣ), ⴷⴻⴼⴼⵉⵔ ⵜⵓⵏⴻⵙ ⵢⴻⵍⵍⴰⵏ ⴷⴻⴳ ⵡⴻⵎⴽⴰⵏ ⴰⵎⴻⵣⵡⴰⵔⵓ ⵙ 11 ⵏ ⵜⵣⴰⵍⵖⵉⵡⵉⵏ (4 ⵏ ⵡⵓⵔⴻⵖ, 3 ⵏ ⵡⴻⵥⵔⴻⴼ ⴷ 4 ⵏ ⵡⴻⴱⵕⵓⵏⵣ), ⵎⴰⵚⴻⵔ ⵙ 11 ⵏ ⵜⵣⴰⵍⵖⵉⵡⵉⵏ (4 ⵏ ⵡⵓⵔⴻⵖ, 2 ⵏ ⵡⴻⵥⵔⴻⴼ, 5 ⵏ ⵡⴻⴱⵕⵓⵏⵣ) ⴷ ⵙⵉⵏⵉⴳⴰⵍ ⵙ 1 ⵏ ⵜⵣⴰⵍⵖⵉ ⵏ ⵡⵓⵔⴻⵖ.

ⴰⵙⵙ ⵡⵉⵙ ⵙⴻⵎⵎⵓⵙ ⴷ ⵓⵏⴻⴳⴳⴰⵔⵓ ⵏ ⵡⴻⵎⵙⵉⵣⵡⴻⵔ-ⴰ ⴷ ⴰⵙⵙ ⵏ ⵜⵜⵍⴰⵜⴰ ⴰⵏⴷⴰ ⴰⴷ ⴷ-ⵉⵍⵉⵏ ⵢⵉⵎⴻⵏⵖⵉⵢⴻⵏ ⵏ ⵜⴻⵖⵍⴰⵎⵉⵏ ⵏ ⵜⵙⴻⴷⵏⴰⵏ ⴷⴻⴳ ⵡⴻⴼⵍⵓⵔⵉ, ⴷ ⵢⵉⵎⴻⵏⵖⵉⵢⴻⵏ ⵏ ⵢⴻⵔⴳⴰⵣⴻⵏ ⴷⴻⴳ ⵜⴽⵓⴱⴰ ⴷ ⵓⴳⴻⵙⵜⵓⵔ.