Asebter amenzawi

Talɣuɣa n Tefriqt n ugestur (ass wis 4): tazalɣi n weẓref d 2 n webṛunz i Ldzayer

LDZAYER TAMANEɣT– Terbeḥ-d teɣlamt tadzayrit n tkuba n tsednan, ass n letniyen deg tzeqqa n Harcha-Hacene (Ldzayer Tamaneɣt) 1 n tzalɣi n weẓref deg Telɣuɣa n Tefriqt n ugestur, deg tgara n wass wis 4 n telɣuɣa-a.

Taɣlamt tadzayrit, aydeg ttekkant Abik Boungab, Sarah Atrouz, Sonia Abdiche d Amira Alhafia, texṣer deg tneggarut mgal teɣlamt tatunsit s wegmuḍ n 45 n tinnaliyin ɣer 43.

Tazalɣi n webṛunz terbeḥ-itt-id Maṣer ay yessawḍen ad ternu taɣlamt n Sinigal s 45 n tinnaliyin ɣer 27. Dima ɣer tsednan, taɣlamt tadzayrit terbeḥ-d tazalɣi n webṛunz deffir ma texṣer deg wezgen n tneggarut mgal tin n Tunes (26-45).

S waya, deg yimenɣi gar teɣlamin, d Maṣer ay d-irebḥen tazalɣi n wureɣ deffir ma terna Tunes s 43 n tinnaliyin ɣer 41, deg yiwet n temlilit ay yeqqimen tasaɛet d wezgen ɣef lǧal n tucciḍiwin d uccetki ay d-yellan seg snat-nni n teɣlamin. Deffir 4 wussan n wemsizwer, Ldzayer teḍḍef amkan wis 4 s 7 n tzalɣiwin (2 n weẓref d 5 n webṛunz), deffir Tunes yellan deg wemkan amezwaru s 11 n tzalɣiwin (4 n wureɣ, 3 n weẓref d 4 n webṛunz), Maṣer s 11 n tzalɣiwin (4 n wureɣ, 2 n weẓref, 5 n webṛunz) d Sinigal s 1 n tzalɣi n wureɣ.

Ass wis semmus d uneggaru n wemsizwer-a d ass n ttlata anda ad d-ilin yimenɣiyen n teɣlamin n tsednan deg wefluri, d yimenɣiyen n yergazen deg tkuba d ugestur.