Asebter amenzawi

Mass Lamamra ad yerzu ass n 22 yebrir ɣer New York akken ad yestenyi s yisem n Lezzayer amtawa n Paris ɣef unezwi

LEZZAYER TAMANEɣT – Aneɣlaf n Uwanek, aneɣlaf n Tɣawsiwin n berra akked Umedhel agraɣlan, Mass Ramtane Lamamra, ikellef-it uselway n Tegduda, Mass Abdelaziz Bouteflika, akken ad yestenyi, ass n 22 yebrir, s yisem n Lezzayer, Amtawa n Paris ɣef unezwi, i d-yenna ass n ttlata yiwen n ulɣu n uɣlif n Tɣawsiwin n berra.

Amtawa-a qeblen-t, deg tmaneɣt tafransist deg dujember yezrin, yigensasen n 195 tmura, deg taggara n yimuhal n Usarag ɣef unezwi wis 21 (COP21).

Mass Lamamra ad yekki daɣen deg New York, ass 21 yebrir, deg uskasi n uswir unnig ɣef Yiswiyen n usnefli unzig 2030, i yessuddes Ugraw amatu n Yiɣlanen yedduklen, ɣef wakken i d-tenna teɣbalut-nn