Asebter amenzawi

Mass Bensaleh yulles-d ibeddi n Lezzayer ur nettbeddil ɣer tama n Falasṭin

LEZZAYER TAMANEɣT- Aselway n useqqamu n uɣlan, Abdelkader Bensalah, yulles-d ass n Ttlata di Lezzayer, di temlilit i yexdem akked uneɣlaf amezwaru afalaṣṭini, Rami Hamdallah, ɣef ibeddi « war ccṛuṭ ur nettbeddil » n Lezzayer ɣer tama n unabaḍ d weɣṛef n Falaṣṭin, ɣef akken i d-yenna yiwen n ulɣu n tsuddut-a.

«  Amhaz d tiddit n liḥala di tmurt n Falaṣṭin, ladɣa deg ayen yerzan assebded n unabaḍ n tdukli taɣelnawt, akked uzwur-nni afṛansis amaynut, ilmend n tigin n yiwen usarag n talwit deg Cceṛq alemmas. » D ayen iɣef d-yella usqerdec di temlilit-a, ɣef akken i d-yenna ulɣu-nni.

Di tegnitt-a, Mass Bensalah iwekked-d dakken tifrat “ur tezmir ad tili ala ma tella-d gar yidisan ifalaṣṭiniyen bwa gar-asen, war anekcum n wiyaḍ di temsal tifalaṣṭiniyin n daxel, imi anekcum-a ibeyyen-d yal tikelt dakken ur yeṣliḥ ara, akken i yesɛa lmaḍeṛṛa-s ɣef tiddin n ferru aggaran n temsalt tafalaṣṭinit » , deg wakud ideg d-yenna belli yal asurrif yettwaxdamen i uḥelli n talwit, « yessefk ad yeddu akked tissuḍfa ( Ccaṛɛyya) tagraɣlant akked leṛyuy n Useqqamu n Laman ».