ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⴱⴻⵏⵙⴰⵍⴻⵀ ⵢⵓⵍⵍⴻⵙ-ⴷ ⵉⴱⴻⴷⴷⵉ ⵏ ⵍⴻⵣⵣⴰⵢⴻⵔ ⵓⵔ ⵏⴻⵜⵜⴱⴻⴷⴷⵉⵍ ⵖⴻⵔ ⵜⴰⵎⴰ ⵏ ⴼⴰⵍⴰⵙⵟⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵢⵓⵍⵍⴻⵙ-ⴷ ⴰⵙⵙ ⵏ ⵜⵜⵍⴰⵜⴰ ⴷⵉ ⵍⴻⵣⵣⴰⵢⴻⵔ, ⴷⵉ ⵜⴻⵎⵍⵉⵍⵉⵜ ⵉ ⵢⴻⵅⴷⴻⵎ ⴰⴽⴽⴻⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴼⴰⵍⴰⵚⵟⵉⵏⵉ, ⵔⴰⵎⵉ ⵀⴰⵎⴷⴰⵍⵍⴰⵀ, ⵖⴻⴼ ⵉⴱⴻⴷⴷⵉ « ⵡⴰⵔ ⵛⵛⵕⵓⵟ ⵓⵔ ⵏⴻⵜⵜⴱⴻⴷⴷⵉⵍ » ⵏ ⵍⴻⵣⵣⴰⵢⴻⵔ ⵖⴻⵔ ⵜⴰⵎⴰ ⵏ ⵓⵏⴰⴱⴰⴹ ⴷ ⵡⴻⵖⵕⴻⴼ ⵏ ⴼⴰⵍⴰⵚⵟⵉⵏ, ⵖⴻⴼ ⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵜⵙⵓⴷⴷⵓⵜ-ⴰ.
« ⴰⵎⵀⴰⵣ ⴷ ⵜⵉⴷⴷⵉⵜ ⵏ ⵍⵉⵃⴰⵍⴰ ⴷⵉ ⵜⵎⵓⵔⵜ ⵏ ⴼⴰⵍⴰⵚⵟⵉⵏ, ⵍⴰⴷⵖⴰ ⴷⴻⴳ ⴰⵢⴻⵏ ⵢⴻⵔⵣⴰⵏ ⴰⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⴰⴽⴽⴻⴷ ⵓⵣⵡⵓⵔ-ⵏⵏⵉ ⴰⴼⵕⴰⵏⵙⵉⵙ ⴰⵎⴰⵢⵏⵓⵜ, ⵉⵍⵎⴻⵏⴷ ⵏ ⵜⵉⴳⵉⵏ ⵏ ⵢⵉⵡⴻⵏ ⵓⵙⴰⵔⴰⴳ ⵏ ⵜⴰⵍⵡⵉⵜ ⴷⴻⴳ ⵛⵛⴻⵕⵇ ⴰⵍⴻⵎⵎⴰⵙ. » ⴷ ⴰⵢⴻⵏ ⵉⵖⴻⴼ ⴷ-ⵢⴻⵍⵍⴰ ⵓⵙⵇⴻⵔⴷⴻⵛ ⴷⵉ ⵜⴻⵎⵍⵉⵍⵉⵜ-ⴰ, ⵖⴻⴼ ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.
ⴷⵉ ⵜⴻⴳⵏⵉⵜⵜ-ⴰ, ⵎⴰⵙⵙ ⴱⴻⵏⵙⴰⵍⴰⵀ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⵉⴼⵔⴰⵜ “ⵓⵔ ⵜⴻⵣⵎⵉⵔ ⴰⴷ ⵜⵉⵍⵉ ⴰⵍⴰ ⵎⴰ ⵜⴻⵍⵍⴰ-ⴷ ⴳⴰⵔ ⵢⵉⴷⵉⵙⴰⵏ ⵉⴼⴰⵍⴰⵚⵟⵉⵏⵉⵢⴻⵏ ⴱⵡⴰ ⴳⴰⵔ-ⴰⵙⴻⵏ, ⵡⴰⵔ ⴰⵏⴻⴽⵛⵓⵎ ⵏ ⵡⵉⵢⴰⴹ ⴷⵉ ⵜⴻⵎⵙⴰⵍ ⵜⵉⴼⴰⵍⴰⵚⵟⵉⵏⵉⵢⵉⵏ ⵏ ⴷⴰⵅⴻⵍ, ⵉⵎⵉ ⴰⵏⴻⴽⵛⵓⵎ-ⴰ ⵉⴱⴻⵢⵢⴻⵏ-ⴷ ⵢⴰⵍ ⵜⵉⴽⴻⵍⵜ ⴷⴰⴽⴽⴻⵏ ⵓⵔ ⵢⴻⵚⵍⵉⵃ ⴰⵔⴰ, ⴰⴽⴽⴻⵏ ⵉ ⵢⴻⵙⵄⴰ ⵍⵎⴰⴹⴻⵕⵕⴰ-ⵙ ⵖⴻⴼ ⵜⵉⴷⴷⵉⵏ ⵏ ⴼⴻⵔⵔⵓ ⴰⴳⴳⴰⵔⴰⵏ ⵏ ⵜⴻⵎⵙⴰⵍⵜ ⵜⴰⴼⴰⵍⴰⵚⵟⵉⵏⵉⵜ » , ⴷⴻⴳ ⵡⴰⴽⵓⴷ ⵉⴷⴻⴳ ⴷ-ⵢⴻⵏⵏⴰ ⴱⴻⵍⵍⵉ ⵢⴰⵍ ⴰⵙⵓⵔⵔⵉⴼ ⵢⴻⵜⵜⵡⴰⵅⴷⴰⵎⴻⵏ ⵉ ⵓⵃⴻⵍⵍⵉ ⵏ ⵜⴰⵍⵡⵉⵜ, « ⵢⴻⵙⵙⴻⴼⴽ ⴰⴷ ⵢⴻⴷⴷⵓ ⴰⴽⴽⴻⴷ ⵜⵉⵙⵙⵓⴹⴼⴰ ( ⵛⵛⴰⵕⵄⵢⵢⴰ) ⵜⴰⴳⵔⴰⵖⵍⴰⵏⵜ ⴰⴽⴽⴻⴷ ⵍⴻⵕⵢⵓⵢ ⵏ ⵓⵙⴻⵇⵇⴰⵎⵓ ⵏ ⵍⴰⵎⴰⵏ ».
