ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣⵉ ⵡⴻⵣⵣⵓ : ⵉⵎⴻⵖⵏⴰⵙⴻⵏ ⵉⵇⴱⵓⵔⴻⵏ ⵏ ⵢⴻⴱⵔⵉⵔ 1980 ⵙⵖⴻⵏⵡⴻⵏ-ⴷ ⵜⵉⴷⴷⵓⴽⵍⴰ-ⵏⵙⴻⵏ

ⵜⵉⵣⵉ ⵡⴻⵣⵣⵓ - ⵉⵎⴻⵖⵏⴰⵙⴻⵏ ⵉⵇⴱⵓⵔⴻⵏ ⵏ ⵓⵎⵓⵙⵙⵓ ⴰⴷⴻⵍⵙⴰⵏ ⴰⵎⴰⵣⵉⵖ ⵏ 1980 ⵉ ⴷ-ⵢⴻⴽⴽⴰⵏ ⵙⴻⴳ ⵓⵎⴰⴹⴰⵍ ⵏ ⵓⵎⴰⵀⵉⵍ ⵙⵙⵓⴷⴷⵙⴻⵏ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵎⵓⵍⵓⴷ ⴰⵜ ⵎⵄⴻⵎⵎⴻⵔ ⵏ ⵜⵉⵣⵉ ⵡⴻⵣⵣⵓ ⵜⵉⵎⵍⵉⵍⵉⵜ ⵏ ⵍⵙⴰⵙ ⴰⴽⴽⴻⵏ ⴰⴷ ⵙⵖⴻⵏⵡⴻ ⵜⵉⴷⴷⵓⴽⵍⴰ ⵉⵜⵔⴰⵏ ⵏ ⵜⵎⴰⵏⵢⵉⵏ.

‘’ⴷⴻⴳ ⵓⴽⴰⵜⴰⵔ ⵏ ⵢⵉⵙⵓⵜⵔⴻⵏ ⵏ ⵓⵎⵓⵙⵙⵓ ⴰⴷⴻⵍⵙⴰⵏ ⴰⵎⴰⵣⵉⵖ (ⵎⵛⴱ) ⵢⴻⵔⵣⴰⵏ ⵜⵓⵜⵜⵔⴰ ⵜⴰⵎⴰⴳⴰⵏⵜ ⴰⴽⴽⴻⴷ ⵓⴱⵔⵉⴷ ⵏⴻⵊⵔⴻⵏⵜ ⵜⴻⴷⵢⴰⵏⵉⵏ ⵏ ⵢⴻⴱⵔⵉⵔ 1980, ⵏⴻⴽⵏⵉ, ⵉⵎⴻⵖⵏⴰⵙⴻⵏ ⵉⵇⴱⵓⵔⴻⵏ ⵏ ⵓⵎⵓⵙⵙⵓ ⵉ ⴷ-ⵢⴻⴽⴽⴰⵏ ⵙⴻⴳ ⵓⵎⴰⴹⴰⵍ ⵏ ⵓⵎⴰⵀⵉⵍ, ⵏⴻⴳⵣⴻⵎ-ⵉⵜⵜ ⴷⴻⴳ ⵔⵔⴰⵢ ⴰⴽⴽⴻⵏ ⴰⴷ ⵏⴻⵙⵙⴻⵖⵏⴻⵡ ⵢⵉⵡⴻⵜ ⵏ ⵜⵉⴷⴷⵓⴽⵍⴰ ⵜⴰⴷⴻⵍⵙⴰⵏ ⵉ ⵓⵎⵉ ⵏⵙⴻⵎⵎⴰ ⵉⵜⵔⵉ ⵏ ⵜⵎⴰⵏⵢⵉⵏ’’, ⵉ ⴷ-ⵙⵙⴻⴳⵣⵉⵏ ⵢⵉⵎⴻⵛⵜⴰⵍ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⴷ-ⵖⵔⴰⵏ ⴷⴻⴳ ⵜⴻⵍⴷⴰⵢⵜ ⵏ ⵢⵉⵎⵓⵀⴰⵍ ⵏ ⵓⵎⵢⵉⴳⴻⵔ.

ⵜⴰⴽⵜⵉ ⵏ ⵓⵙⵓⴷⴷⴻⵙ ⵏ ⵢⵉⵎⴰⵏ-ⵏⵏⴻⵖ ⴷⴻⴳ ⵜⵉⴷⴷⵓⴽⵍⴰ ⵜⵍⵓⵍ-ⴷ ⴷⴻⴳ ⵓⵙⴻⴳⴳⴰⵙ 2008 ⴳⴰⵔ ⵙⴹⵉⵙ ⵏ ⵢⵉⵎⴻⵖⵏⴰⵙⴻⵏ ⵉⵇⴱⵓⵔⴻⵏ ⵏ ⵓⵎⵓⵙⵙⵓ ⵏ 1980, ⵡⵉ ⴷ ⵎⵧⵀⴰⵎⵎⴻⴷ ⵙⴰⵔⵏⵉ, ⴱⴻⵔⴰⵏⵉⵏ ⵢⵧⵓⵛⴻⴼ, ⴱⴰⴷⵊⵧⵓ ⴰⴱⴷⴻⵍⴽⴰⴷⴻⵔ, ⴽⴰⵛⵉ ⵔⴰⵎⴷⴰⵏⴻ, ⵙⴰⴷⵉ ⴰⵀⵎⴻⴷ ⴰⴽⴽⴻⴷ ⵓⵎⴻⵔⵃⵓⵎ ⵎⵧⵓⵙⵙⴰⵧⵓⵉ ⴽⵀⴻⵍⵍⴰⴼ, ⵏⴻⵜⵜⵎⴻⵙⵍⴰⵢ ⵢⴰⵍ ⵜⵉⴽⴽⴻⵍⵜ ⵉⴷⴻⴳ ⴰⵔⴰ ⵏⴻⴽⴽⴻⵔ ⴰⴷ ⵏⴻⵙⵙⵓⴷⴷⴻⵙ ⵉⵔⵎⵓⴷⴻⵏ ⵏ ⵓⵙⴼⵓⴳⴻⵍ 20 ⵢⴻⴱⵔⵉⵔ, ⴰⵢⴰ ⵙⴻⴳ ⵓⵙⴻⴳⴳⴰⵙ 2013 ⴰⵔ ⵉⵎⵉⵔⴰ, ⵉ ⴷ-ⵢⴻⵙⵙⴻⵖⵔⴻⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ (ⴰⵒⵙ), ⵎⵧⵀⴰⵎⵎⴻⴷ ⵙⴰⵔⵏⵉ, ⴷ ⵢⵉⵡⴻⵏ ⵙⴻⴳ ⵢⵉⵄⴻⴳⴳⴰⵍⴻⵏ ⵉⵎⴻⵙⴱⴻⴷⴷⴻⵏ ⵏ ⵜⵉⴷⴷⵓⴽⵍⴰ.