ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴻⵍ ⵀⴰⴷⵉ ⵧⵓⵍⴷ ⴰⵍⵉ: ⴰⵙⵎⴻⵏⴹⴻⵡ ⵏ ⵜⵎⴰⵣⵉⵖⵜ ⴷ « ⵜⵉⵔⵉⵔⵉⵜ ⵉ ⵡⴰⵢⴻⵏ ⵢⴻⵕⵊⴰ ⵡⴻⵖⵔⴻⴼ »
ⴱⴳⴰⵢⴻⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴱⴳⴰⵢⴻⵜ, ⴷⴰⴽⴽⴻⵏ ⴰⵙⵎⴻⵏⴹⴻⵡ (ⴷⴰⵙⵜⴰⵔⴰ) ⵏ ⵜⵎⴰⵣⵉⵖⵜ ⴰⵢ ⵢⵓⵖⴰⵍⴻⵏ ⴷ ⵜⵓⵜⵍⴰⵢⵜ ⵜⴰⵖⴻⵍⵏⴰⵡⵜ, ⵜⵓⵏⵚⵉⴱⵜ, « ⴷ ⵜⵉⵔⵉⵔⵉⵜ ⵉ ⵡⴰⵢⴻⵏ ⵢⴻⵕⵊⴰ ⵡⴻⵖⵔⴻⴼ » ⵢⴻⵔⵏⵓ ⴷ ⵔⵔⴱⴻⵃ ⵏ ⵢⵉⵎⴻⵏⵖⵉ ⴰⵢⴷⴻⴳ ⵢⴻⵜⵜⵓⵏⴻⴼⴽ ⵡⴻⵙⴼⴻⵍ ⵉ ⵡⴻⵙⵎⴰⵍ (ⵜⴰⵔⵇⵉⵢⴰ) ⵏ ⵜⵓⵜⵍⴰⵢⵜ-ⴰ.
« ⴰⵙⵎⴻⵏⴹⴻⵡ-ⵏⵏⴻⵙ (ⵜⴰⵎⴰⵣⵉⵖⵜ) ⵙ ⵢⵉⵙⴻⵎ-ⵏⵏⴻⵙ ⴷ ⵜⵓⵜⵍⴰⵢⵜ ⵜⴰⵖⵍⴻⵏⴰⵡⵜ, ⵜⵓⵏⵚⵉⴱⵜ, ⴷ ⵜⵉⵔⵉⵔⵉⵜ ⵉ ⵜⵎⴻⵕⵊⵉⵡⵜ (ⵏ ⵡⴻⵖⵔⴻⴼ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵢⵉⵎⴻⵏⵖⴰⵙⴻⵏ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵜⵜⴻⴽⴽⵉ-ⵏⵙⴻⵏ ⴷⴻⴳ ⵡⴻⵙⵎⴰⵍ ⵏ ⵜⵓⵜⵍⴰⵢⵜ-ⴰ.
ⵎⴰⵙⵙ ⵧⵓⵍⴷ ⴰⵍⵉ ⵢⴻⴱⴷⴻⵔ-ⴷ ⵉⴽⵙⴰⴱⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵏⵔⴰⵔ ⵏ ⵜⵎⴰⵣⵉⵖⵜ, ⵍⴰⴷⵖⴰ ⴰⵙⵙⴻⵍⵎⴻⴷ-ⵏⵏⴻⵙ ⴰⵢ ⵢⵓⵖⴰⵍⴻⵏ ⴰⵙⵙ-ⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴷ « ⵜⵉⵍⴰⵡⵜ ⵜⴰⴽⵎⴰⵎⵜ (ⵡⴰⵇⵉⵄ ⵎⴰⵍⵎⵓⵙ) ».
ⴷⴻⴳ ⵜⵉⵏⴰⵡⵜ-ⵏⵏⴻⵙ ⵉ ⵍⵎⴻⵏⴷ ⵏ ⵡⴻⵔⵥⴰⵎ ⵏ ⵜⴼⴰⵙⴽⴰ ⵜⴰⵖⴻⵍⵏⴰⵡⵜ ⵜⴰⵎⴻⵣⵡⴰⵔⵓⵜ ⵏ ⵛⵛⵏⴰ ⴰⴼⴻⵔⴼⴰⵏⴰⵏ ⴰⵎⴰⵣⵉⵖ, ⵉⴼⵓⵕⴻⵙ ⵓⵏⴻⵖⵍⴰⴼ ⴰⴽⴽⴻⵏ ⴰⴷ ⴷ-ⵉⴳⴻⵔ ⵜⵉⵖⵔⵉ ⵉ « ⵜⴷⵓⴽⵍⵉ », ⵍⴰⴷⵖⴰ ⵉ « ⵓⵙⵙⵉⴷⴻⴼ ⵏ ⵜⵎⵓⵔⵜ ⴷⴻⴳ ⵡⴻⴱⵔⵉⴷ ⵏ ⵍⴻⵀⵏⴰ ⴷ ⵓⵙⵙⴻⴱⵄⴻⴷ-ⵏⵏⴻⵙ ⵙⴻⴳ ⵢⵉⵅⴻⵚⵚⴰⵔⴻⵏ ⵏ ⵓⴱⴻⴹⴹⵓ », ⴰⴽⴽⴻⵏ ⴰⵢ ⵍⴰ ⵜⴹⴻⵔⵔⵓ ⴷⴻⴳ ⴽⵔⴰ ⵏ ⵜⵎⵓⵔⴰ.
« ⵓⵍⴰⵛ ⴰⵎⴽⴰⵏ ⵉ ⵡⴻⵎⵞⴻⵇⵍⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴽⴽ ⵎⴻⴷⴷⴻⵏ ⴰⴷ ⵜⵜⴻⴽⴽⵉⵏ ⵉ « ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⵎⵓⵔⵜ, ⴰⵙⵏⵓⵍⴼⵓ ⵏ ⵜⴱⵓⵖⴰⵔ (ⵜⴰⵔⴰⵡⴰⵜ) ⴷ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵉ ⵢⵉⵍⴻⵎⵥⵉⵢⴻⵏ ⴷⴻⴳ ⵜⵡⴻⵏⵏⴰⴹⵜ ⵏ ⵜⴰⵍⵡⵉⵜ ⴷ ⵍⴻⵀⵏⴰ ».
