ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⵉⵍ ⵏ « ⵍⴻⵣⵣⴰⵢⴻⵔ ⵜⴰⵎⴻⵍⵍⴰⵍⵜ » ⵓⵔ ⴷ-ⵢⴻⵍⵍⵉ ⴰⴽⴽⴻⵏ ⵢⴻⵍⵀⴰ (ⴰⵏⴻⵖⵍⴰⴼ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ, ⵎⵧⵓⵏⵉⴰ ⵎⴻⵙⵍⴻⵎ ⵙⵉ ⴰⵎⴻⵔ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⴰⵀⵉⵍ ⵏ « ⵍⴻⵣⵣⴰⵢⴻⵔ ⵜⴰⵎⴻⵍⵍⴰⵍⵜ » ⵓⵔ ⴷ-ⵢⴻⵍⵍⵉ ⴰⴽⴽⴻⵏ ⵢⴻⵍⵀⴰ, ⵢⴻⵔⵏⵓ ⵜⴳⴻⵔ-ⴷ ⵜⴰⵎⴰⵡⵜ ⴷⴰⴽⴽⴻⵏ ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⵀⵉⵍ-ⴰ « ⵜⵜⵓⵏⴻⴼⴽⴻⵏ ⵉ ⵢⵉⴷⵉⵙⴰⵏ ⵓⵔ ⵜⴻⵏ-ⵢⵓⴽⵍⴰⵍⴻⵏ ».

ⴷⴻⴳ ⵓⵇⴻⴷⴷⴻⵎ ⵏ ⵜⵙⴻⵔⵜⵉⵜ ⵏ ⵡⴻⵃⵔⵉⵛ-ⵏⵏⴻⵙ ⴷⴻⴳ ⵜⵙⴻⵇⵇⴰⵎⵓⵜ ⵏ ⵜⴷⴰⵡⵙⴰ (ⵚⵉⵃⵃⴰ) ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴷⴷⴰⵡ ⵜⵙⴻⵍⵡⵉⵜ ⵏ ⴰⵍⵉ ⵎⴻⵍⴰⴽⵀⴻⵙⵙⵧⵓ, ⵙ ⵡⴻⵃⴷⴰⵕ ⴷⴻⴳ ⵓⵏⴻⵖⵍⴰⴼ ⵏ ⵡⴰⵙⵙⴰⵖⴻⵏ ⴷ ⵡⴻⵎⵏⵉ, ⵜⴰⵀⴰⵔ ⴽⵀⴰⵧⵓⴰ, ⵜⴻⵏⵏⴰ-ⴷ ⵎⴰⵙⵙⴰ ⵎⴻⵙⵍⴻⵎ ⵙⵉ ⴰⵎⴻⵔ ⴷⴰⴽⴽⴻⵏ « ⴰⵀⵉⵍ ⵏ ‘ⵍⴻⵣⵣⴰⵢⴻⵔ ⵜⴰⵎⴻⵍⵍⴰⵍⵜ’ ⴷ-ⵢⴻⵜⵜⵡⴰⵀⴻⵢⵢⴰⵏ, ⵏⴰⵇⴰⵍ, ⵉ ⵢⵉⵎⴻⵏⵖⵉ ⵎⴳⴰⵍ ⵜⵍⴻⵇⵇⵉ (ⴼⵓⵇⵔ) ⴷ ⵓⵄⴰⵡⴻⵏ ⵏ ⵡⵉⴷ ⵓⵔ ⵢⴻⵙⵄⵉⵏ ⴰⵅⴻⴷⴷⵉⵎ, ⴷ ⴰⵀⵉⵍ ⴰⵢⴷⴻⴳ ⴷ-ⵍⵍⴰⵏⵜ ⴰⵟⴰⵙ ⵏ ⵜⵓⴼⴼⵖⵉⵡⵉⵏ ⵉ ⵡⴻⴱⵔⵉⴷ », ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ « ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵓⵔ ⴷ-ⵙⴼⴰⵢⴷⵉⵏ ⵙⴻⴳ-ⵙⴻⵏ ⵡⵉⴷ ⵢⴻⵜⵜⴰⵍⴰⵙⴻⵏ ».

ⵉ ⵍⵎⴻⵏⴷ ⵏ ⵡⴰⵢⴰ, ⵜⵓⵎⴻⵕ ⵎⴰⵙⵙⴰ ⵎⴻⵙⵍⴻⵎ ⵙ ⵓⴱⴻⴷⴷⵓ ⵏ « ⵡⴻⵃⵜⴰⵛ ⴰⵍⵇⴰⵢⴰⵏ » ⵉ ⵜⵎⵓⵙⵙⵏⵉ ⵏ ⵙⵙⴻⴱⴱⴰⵜ ⴰⵢ ⵉⵃⴻⵕⵎⴻⵏ ⵉⵏⴻⵔⴱⵉⵢⴻⵏ (ⴱⴰⵟⵟⴰⵍⵉⵏ) ⴷ ⵢⵉⴳⴻⵍⵍⵉⵍⴻ ⵙⴻⴳ ⵡⴻⵙⴼⴰⵢⴷⵉ ⵙⴻⴳ ⵢⵉⵙⴻⵏⴼⴰⵔⴻⵏ-ⴰ.

ⴰⵀⵉⵍ ⵏ ⵍⴻⵣⵣⴰⵢⴻⵔ ⵜⴰⵎⴻⵍⵍⴰⵍⵜ ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵡⴻⵙⵏⴰⵙ (ⵜⴰⵟⴱⵉⵇ) ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⵢⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵍⵎⴻⵏⴷ ⵏ ⵡⴻⵙⵏⵓⵎⵎⴻⴷ (ⵉⴷⵎⴰⴵ) ⵏ ⵢⵉⵏⴻⵔⴱⵉⵢⴻⵏ ⴷ ⵢⵉⴳⴻⵍⵍⵉⵍⴻⵏ ⴷⴻⴳ ⵓⵅⴻⴷⴷⵉⵎ ⴷ ⵓⵄⴰⵡⴻⵏ-ⵏⵙⴻⵏ ⴰⴽⴽⴻⵏ ⴰⴷ ⴷ-ⵙⵏⵓⵍⴼⵓⵏ ⵜⵉⵕⵎⵉⵙⵉⵏ-ⵏⵙⴻⵏ ⵜⵉⵎⴻⵥⵢⴰⵏⵉⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵡⴻⵃⵔⴰⵣ ⵏ ⵜⵡⴻⵏⵏⴰⴹⵜ.

5.999 ⵏ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ ⴷ 47.992 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵓⵄⴹⵉⵍⴻⵏ ⴰⵢ ⴷ-ⵢⴻⵏⵏⵓⵍⴼⴰⵏ ⴷⴻⴳ ⵜⴰⵍⵍⵉⵜ ⵏ ⵢⴻⵏⵏⴰⵢⴻⵔ 2015 ⵖⴻⵔ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵎⴻⵙⵍⴻⵎ.

ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⵣⴷⴻⴳ ⵢⴻⵔⵏⵓ ⵓⵔ ⴷ-ⵢⴻⵜⵜⵉⵍⵉ ⵓⵎⴻⵃⵢⴰⴼ ⴷⴻⴳ ⵓⵙⵙⴻⴼⵔⴻⴽ ⵏ ⵡⴰⵀⵉⵍ-ⴰ, ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉⵡⴰⵜⴰⵏ ⴰⵎ ⵓⵙⵙⴻⴱⴷⴻⴷ ⵏ ⵜⵙⴻⵇⵇⴰⵎⵓⵜ ⵏ ⵡⴻⴹⴼⴰⵔ ⵏ ⵢⵉⵅⴻⴷⴷⵉⵎⴻⵏ ⴷⴻⴳ ⵡⴻⵏⵔⴰⵔ.

« ⵉⵃⴻⵣⵣⵉⴱⴻⵏ-ⴰ ⴰⴷ ⵜⵜⵡⴰⵙⴻⵏⵙⴻⵏ (ⵜⵓⵟⴰⴱⴱⴰⵇ) ⴰⴽⴽⴻⵏ ⴽⴰⵏ ⴰⴷ ⵄⴻⴷⴷⵉⵏ ⴷⴻⴳ ⵓⵙⴻⵇⵇⴰⵎⵓ ⵏ ⵓⵡⴻⵀⵀⵉ ⵏ ⵜⵏⴻⴳⴳⴰ ⵏ ⵡⴻⵙⵏⴻⴼⵍⵉ ⴰⵏⵎⴻⵜⵜⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ.