Asebter amenzawi

Meslub ur yettekkay deg tneggarut n Teqbuct n Fṛansa

PARIS – Taɣlabt n Lorient, aydeg yetturar umarir agraɣlan Walid Mesloub, ur tettekkay deg tneggarut n Teqbuct n Fṛansa, deffir ma texṣer mgal Paris Saint-Germain s 0 ɣer 1 ass n ttlata tameddit deg wezgen n tneggarut, s yeswi ay yessadef Zlatan Ibrahimovic.

Alemmas-a n wenrar yurar segmi ay tebda temlilit-a armi d tagara, maca ur yessaweḍ ay yessidef iswi mgal teɣlamt n Paris. Taneggarut ad d-tili ass n 21 Mayu deg Usarir n Fṛansa mgal Marseille neɣ Sochaux (Tamɣunt tis 2). Snat-a n tneggura ad urarent azgen n tneggarut ass n laṛebɛa tameddit deg usarir n Bonal.

Paris Saint-Germain yettwafsen (uqṣiyat) seg Temɣunt n Yelɣuɣen dduṛt aya, deg usarir n Manchester City, mazal-itt deg wenrar n wemsizwer akken ad d-terbeḥ Talɣuɣa, Taqnict n Fṛansa d Teqbuct n Temɣunt (akken ay tga ilindi).

Taɣlamt-a, aydeg yetturar wegraɣlan adzayri Yassine Benzia, ad turar ass n ssebt (ɣef tis 9:00 n tmeddit) taneggarut n Teqbuct n Temɣunt mgal Lille deg Usarir n Fṛansa.