ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴻⵕⵕⵓⴽ ⵜⴻⵜⵜⵡⴰⵃⴻⵜⵜⴻⵎ ⴰⴷ ⵜⴻⵊⴱⴻⴷ ⵉⵎⴰⵏ-ⵏⵏⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⴰⵙⴰⵔⴰⴳ)
ⵒⴰⵔⵉⵙ – ⵎⴻⵕⵕⵓⴽ ⵜⴻⵜⵜⵡⴰⵃⴻⵜⵜⴻⵎ, ⵖⴻⴼ ⵍⴻⵃⵙⴰⴱ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ, ⴰⴽⴽⴻⵏ ⴰⴷ ⵜⴻⵊⴱⴻⴷ ⵉⵎⴰⵏ-ⵏⵏⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴰⵢ ⵜⴻⴹⴹⴻⴼ ⵙ ⵢⵉⵖⵉⵍ ⵢⴻⵔⵏⵓ ⵓⵍⴰⵛ ⵜⴰⵎⵓⵔⵜ ⴰⵢ ⵢⴻⵙⵜⴻⵄⵕⴼⴻⵏ ⵙ ⵜⵏⴰⵢⴰ-ⵏⵏⴻⵙ (ⵙⵉⵢⴰⴷⴰ) ⵖⴻⴼ ⵡⴰⴽⴰⵍ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵍⵇⴰⵏⵓⵏ ⴷⴻⴳ ⵒⴰⵔⵉⵙ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⴳⵔⴰⵖⵍⴰⵏ.
ⴰⵙⴰⵔⴰⴳ-ⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵣⴻⵇⵇⴰ ⵏ ⵠⵉⵛⵜⵧⵔ-ⵀⵓⴳⵧ ⵏ ⵡⴻⴳⵔⴰⵡ ⴰⴼⵕⴻⵏⵙⵉⵙ, ⵃⴻⴷⵕⴻⵏ ⴷⴻⴳ-ⵙ ⵢⵉⵡⴰⵎⵏⵉⵢⴻⵏ (ⴱⴰⵔⵍⴰⵎⴰⵏⵉⵢⵢⵉⵏ), ⵉⵙⴷⴰⵡⴰⵏⴻⵏ, ⵉⵎⴰⵣⵣⴰⵢⴻⵏ ⵏ ⵍⵇⴰⵏⵓⵏ, ⵉⴷⵉⵒⵍⵓⵎⴰⵜⵉⵢⴻⵏ ⵉⴱⴻⵕⵕⴰⵏⵉⵢⴻⵏ ⵢⴻⵍⵍⴰⵏ ⴷⴻⴳ ⴼⵕⴰⵏⵙⴰ, ⴳⴰⵔ-ⴰⵙⴻⵏ ⴰⵏⵎⴰⵀⴰⵍ (ⵙⴰⴼⵉⵔ) ⵏ ⵍⴷⵣⴰⵢⴻⵔ ⴷⴻⴳ ⴼⵕⴰⵏⵙⴰ, ⴰⵎⴰⵔ ⴱⴻⵏⴷⵊⴰⵎⴰ, ⴷ ⵢⵉⴳⴻⵏⵙⴰⵙⴻⵏ ⵏ ⵜⵉⴷⴷⵓⴽⵍⵉⵡⵉⵏ. ⵢⴻⵍⵍⴰ-ⴷ ⵓⵙⴰⵔⴰⴳ-ⴰ ⴷ ⵜⴰⵙⵡⵉⵄⵜ ⵏ ⵡⴻⵎⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⵖⴻⴼ « ⵓⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⴷ ⵜⴰⵎⵙⴰⵍⵜ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ».
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵓⵙⴻⵍⵎⴰⴷ ⵏ ⵡⴰⵎⵎⴰⵙ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵏ ⵜⴻⵙⴷⴰⵡⵉⵜ ⵜⵉⵍⴻⵍⵍⵉⵜ ⵏ ⴱⵔⵓⵅⴻⵍⵍⴻⵙ, ⵠⵉⵏⵛⴻⵏⵜ ⵛⵀⴰⵒⴰⵓⵅ, ⵢⴻⴱⴷⴻⵔ-ⴷ ⵍⵍⵙⵉⵙⴰⵏ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵢⴻⵇⵇⵏⴻⵏ ⵖⴻⵔ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵎⴻⵕⵕⵓⴽ, ⵙ ⵢⵉⵙⴻⵎ-ⵏⵏⴻⵙ ⴷ « ⵜⴰⵏⴻⵣⵎⴰⵔⵜ » ⵢⴻⴹⴹⴼⴻⵏ ⴰⴽⴰⵍ ⴰⵚⴻⵃⵔⴰⵡⵉ, « ⵜⴻⵜⵜⵡⴰⵃⴻⵜⵜⴻⵎ ⴰⴽⴽⴻⵏ ⴰⴷ ⵜⴻⵊⴱⴻⴷ ⵉⵎⴰⵏ-ⵏⵏⴻⵙ » ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴰⵎ ⵡⴰⴽⴽⴻⵏ ⴰⵢ ⴰⵙ-ⵢⴻⵜⵜⵡⴰⴳⴷⴻⵍ ⴰⴷ ⵜⵖⴻⵍⵍⴻⵜ ⵍⵅⵉⵔ ⵏ ⵡⴰⴽⴰⵍ-ⴰ ⴰⵢ ⵜⵜⵡⴰⵍⵉⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⴰⴽⴰⵍ ⵡⴰⵔ ⵜⴰⴼⵓⵍⵎⴰⵏⵜ ⵙⴻⴳ 1964.
ⵢⴻⵙⵎⴻⴽⵜⵉ-ⴷ ⵎⴰⵙⵙ ⵛⵀⴰⵒⴰⵓⵅ ⴷⴰⴽⴽⴻⵏ, ⴰⵔ ⴰⵙⵙ-ⴰ, ⵓⵍⴰⵛ ⵜⴰⵎⵓⵔⵜ ⴰⵢ ⵢⴻⵙⵜⴻⵄⵕⴼⴻⵏ ⵙ ⵜⵏⴰⵢⴰ ⵜⴰⵎⴻⵕⵕⵓⴽⵉⵜ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵛⵛⵖⴻⵍ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵓⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵢⵓⵖⴰⵍ « ⵢⴻⵡⵄⴻⵕ ⴰⵟⴰⵙ » ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ.
« ⴷⴻⴳ ⵜⴰⵣⵡⴰⵔⴰ, ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⵙⵙⴻⴷⴷⴰ ⵜⴰⵎⵙⴰⵍⵜ-ⴰ ⴰⴽⴽⴻⵏ ⵢⴻⵍⵀⴰ, ⵙⴰⴽⴽⵉⵏ, ⵙⴻⴳ ⵢⵉⵙⴻⴳⴳⴰⵙⴻⵏ ⵏ 2000 ⴰⵔ ⴰⵙⵙ-ⴰ, ⵏⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⵢⴻⵍⵍⴰ-ⴷ ⵓⴱⴻⴷⴷⴻⵍ ⴷⴻⴳ ⵡⴰⴷⴷⵓⴷ ⵢⴻⵔⵏⵓ ⵜⴻⵙⵎⴻⵏⵢⴰⴼ ⵍⴻⵎⵛⴰⵡⵕⴰⵜ ⴳⴰⵔ ⵎⴻⵕⵕⵓⴽ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵢⵉⵍⵉ, ⴷⴻⴳ ⵜⵉⴷⴻⵜ, ⵜⴰⵎⵙⴰⵍⵜ ⴰⵜⵜⴰⵏ ⴽⴰⵏ ⴷⴻⴳ ⵡⴻⵙⵏⴰⵙ (ⵜⴰⵟⴱⵉⵇ) ⴷ ⵓⵃⴻⵜⵜⴻⵎ ⵏ ⵓⵇⴰⴷⴻⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵜⵎⵓⵔⴰ ⵏⵉⴹⴻⵏ ⵓⵔ ⵙⵜⴻⵄⵕⵉⴼⴻⵏⵜ ⵙ ⵜⴻⴳⵏⵉⵜ-ⴰ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵎⵄⴰⵡⴰⵏⴻⵏⵜ ⴰⴽⴽⴻⵏ « ⴰⴷ ⴼⴰⴽⴻⵏⵜ ⵜⵓⴹⴹⴼⴰ » ⵏ ⵡⴰⴽⴰⵍ-ⴰ.
