Asebter amenzawi

Yettiki Tayeb Louh deg tɣimit tafeɣnamit tis 30 n ugraw amatu n l’ONU

LEZZAYER – Aneɣlaf n Teɣdemt, aɛessas n yixutam, Tayeb Louh, yettekkay deg Tɣimit tafeɣnamit ( Yefɣen i tannumi) tis 30 n ugraw amatu n Yiɣlanen Yedduklen (ONU) ideg bdan lecɣal ass n Ttlata di New York, ɣef akken i d-yenna ass n Larebɛa yiwen n ulɣu n uɣlif-a.

Deg tɣimit-a ara yekken kraḍ (3) n wussan, ideg d yettili usqerdec ɣef usentel n Tehyufin (Lmuxaddirat) deg umaḍal, Mass Louh yemdiwenni akked uselway n tɣimit tis 70 n ugraw amatu n L’ONU Mognes Lykketoft, akked kra n yemtilen-is.

Iswi agejdan seg tilin n Tɣimit-ayi, d “Aqeyyem n wayen akk i yettwaxedmen yakan; akked tmuɣli deg yiceqqiṛewen i d-yettilin deg ayen yerzan asemres n tseɣrut tasertant d Uɣawas n tigawin umyalel agraɣlan, ilmend n ussersi n tsuddest iwatan deg wayen yeɛnan imenɣi mgal wugur n tehyufin ».

Deg taggara n lecɣal n tɣimit-a, ad d-yili ussufeɣ n yiwet n teftart ara yilin ddaw uzwel : « Anmeqqen-nneɣ ucrik i ubdad ijehden deg wudem n weɣbel n tehyufin deg umaḍal ».