Asebter amenzawi

Aselmed n Tmaziɣt iteddu ‘’cwiṭ cwiṭ’’ deg Tɣerdayt

TAɣERDAYT – Anekcum n tutlat Tamaziɣt deg unagraw asegman akked uselmed-is imehhzen ‘’cwiṭ cwiṭ’’ acku yettemlili-d deg ubri-s ddeqs n wuguren deg twilayt n Tɣerdayt, i d-nnant ass n larebɛa tiddukliwin n yimarrawen n yibalmuden yettmeslayen tutlayt Tamaziɣt.

Tutlayt Tamaziɣt, d tutlayt mačči kan n tyemmat d tin n lejdud-nneɣ rnu daɣen d aḥric seg tgemmi tadelsant taɣelnawt, yessefk ad t-nesnerni, ad nesmatu aselmed-is deg uḥric n uselmed s usɣawes akked uslugen asnilsan, rnu-as awfus asensegman akked wallalen islaẓriyen i uselmed-is, i d-zzirgen i Tnegga (APS) yiɛeggalen n tiddukliwin n yimarrawen n yibalmuden.

Iba n yiselmaden yessnen akken yessefk tutlayt Tamaziɣt akked terrayin tisensegmanin akken ad zemren ad tt-slemden akken yessefk akked lexṣas n uwfusen iɣurbizen d uguren imezwura i yerran aselmed n Tmaziɣt ‘’s ugacur’’ deg temnaḍt n Tɣerdayt, akka i tt-ttwalin.