ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵎⴻⵏⴹⴻⵡ ⵏ ⵜⵎⴰⵣⵉⵖⵜ ⴷⴻⴳ ⵓⵙⴻⴵⵀⴻⴷ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵣⵣⵉⵔⴳⴻⵏ-ⵜ-ⵉⴷ ⴷⴻⴳ ⵢⵉⵡⴻⵏ ⵏ ⵓⵎⵢⵉⴳⴻⵔ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵎⵍⵉⵍⵜ (ⴷⴷⴰⵡⵔ) ⵏ ⵓⵙⵎⴻⵏⴹⴻⵡ ⵏ ⵜⵎⴰⵣⵉⵖⵜ ⴷⴻⴳ ⵓⵙⴻⴵⵀⴻⴷ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵣⵣⵉⵔⴳⴻⵏ-ⵜ-ⵉⴷ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ, ⴷⴻⴳ ⵢⵉⵡⴻⵏ ⵏ ⵓⵎⵢⵉⴳⴻⵔ ⵉ ⴷ-ⵢⴻⵙⵙⵓⴷⴷⴻⵙ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ (ⵀⵛⴰ) ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵜⴻⴼⵙⵓⵜ ⵉⵎⴰⵣⵉⵖⴻⵏ.
ⵉ ⵍⵎⴻⵏⴷ ⵏ ⵜⴻⴳⵏⵉⵜ-ⴰ ⵉ ⴰⵙ-ⵢⴻⵜⵜⵓⵏⴻⴼⴽⴻⵏ, ⴽⴰⵎⴻⵍ ⵔⴻⵣⵣⴰⴳ ⴱⴰⵔⴰ, ⴷ ⴰⵙⴻⵎⵜⴰⵔ ⴷⴻⴳ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⴰⵣⵉⵖⵜ ⴷ ‘’ ⵜⵉⵎⴻⵣⴳⵉⵜ ⵜⴰⵖⴻⵍⵏⴰⵡⵜ ⵓⵔ ⵏⵣⴻⵎⵎⴻⵔ ⴰⴷ ⵏⴻⴽⴽⴻⵙ ⵙⴻⴳ ⵓⵎⴻⵣⵔⵓⵢ, ⵙⴻⴳ ⵢⵉⴷⵍⴻⵙ ⴰⴽⴽⴻⴷ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ’’, ⵉⴼⵙⴻⵔ-ⴷ ⵜⴰⵎⵍⵉⵍⵜ-ⵉⵙ ⴷⴻⴳ ⵓⵙⴻⴵⵀⴻⴷ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ.
ⵉⵣⵓⵍ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⴰⵙⴻⴽⵛⴻⵎ ⵏ ⵜⵎⴰⵣⵉⵖⵜ ⴷⴻⴳ ⵜⵎⴻⵏⴹⴰⵡⵜ ⵢⴻⵜⵜⵡⴰⵛⴻⴳⴳⵔⴻⵏ ⵙ ⵓⵙⵡⵉⵔ ⵏ ⵜⵓⵜⵍⴰⵢⵜ ⵜⴰⵖⴻⵍⵏⴰⵡⵜ ⵜⵓⵏⵚⵉⴱⵜ ⴰⵎ ⵜⵓⵜⵍⴰⵢⵜ ⵜⴰⵖⵔⴰⴱⵜ, ⵢⴻⵖⵔⴰ-ⴷ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⵙⵎⴰⵍ-ⵉⵙ ⴰⴽⴽⴻⴷ ⵓⵙⵏⴻⴼⵍⵉ-ⵙ.
