ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ: ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⵄⴻⵡⵡⴻⵍ-ⵏⵏⴻⵙ ⵏ ⵡⴻⵎⵛⵉⵡⴻⵕ ⴷ ⵎⴻⵕⵕⵓⴽ

ⵏⴻⵡ ⵢⵧⵔⴽ – ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵏⴻⵡ ⵢⵧⵔⴽ, ⴰⵡⵊⴰⴷ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵎⵛⵉⵡⴻⵕ ⴷ ⵎⴻⵕⵕⵓⴽ ⵖⴻⴼ ⵓⵥⴰⵢⴻⵔ (ⵡⴰⴹⵄ) ⵏ ⵓⵏⴻⵥⵔⵓⴼ ⵓⵜⵔⵉⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⵜ ⵜⵉⴷⴷⵉⵜ ⵏ ⵎⴻⵕⵕⵓⴽ ⴰⵢ ⵍⴰ ⵉⵔⴻⴳⴳⵍⴻⵏ ⵉⴱⵔⵉⴷⴻⵏ ⴰⴽⴽⴻⵏ ⴰⴷ ⵜⴻⵙⵙⴻⵅⵚⴻⵔ ⴰⴽⴰⵍⴰ (ⵎⴰⵙⴰⵔ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

Deg yiwen n welɣu (bayan) ay d-yeffɣen ass n laṛebɛa deg New York, yenna-d usemyuddas (munassiq) aṣeḥrawi ixeddmen d Tuɣdaḍt n Yeɣlanen Yeddukklen i Ussuddes n Tsefrant deg Uneẓruf Utrim (Minurso), Mhamed Khaddad, dakken Tirni n Polisario « tewjed ad tebdu lemcawṛat d Meṛṛuk ɣef zik lḥal yernu war ccuruḍ, s uqader  n tseɣrut (taṣriḥ) n umaru amatu n Yeɣlanen Yeddukklen n 4 Nwembeṛ 2015 d tneɣtusin n Useqqamu n Tɣellist ».

« ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⵏⵏⴰ-ⴷ ⴷⴰⴽⴽⴻⵏ ⵢⴻⵛⵖⴻⴱ-ⵉⵜⵜ ⵎⵍⵉⵃ » ⵓⵏⴻⵄⵔⵓⴹ ⴰⵢ ⵜⴻⵣⴳⴰ ⵎⴻⵕⵕⵓⴽ ⵜⵄⴻⵔⵔⴻⴹ ⴰⴽⴽⴻⵏ ⴰⴷ ⴷ-ⵜⴻⴳ ⵉⵄⴻⵡⵡⵉⵇⴻⵏ ⵉ ⵓⴽⴰⵍⴰ ⴰⵙⴻⵔⵜⴰⵏ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⴽⴰⵍⴰ ⴰⵙⴻⵔⵜⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴰⵜⴰⵏ ⵢⴻⵃⴱⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⵀⴰⴷⴷⴰⴷ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵇⴱⴰⵔ-ⴰ ⵢⴻⵙⵙⴻⵅⵚⴻⵔ ⵜⴰⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ, ⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵕⴰⴱⵓⵍ ⴰⵏⴻⴳⴳⴰⵔⵓ ⵏ ⵢⵉⵖⴻⴼ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵥⴻⵎ ⴷⴰⵖ ⵡⴰⵢⴰ ⴰⴱⵔⵉⴷ ⵉ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⴰⴽⴻⵔ ⵜⵉⵖⴱⵓⵍⴰ (ⵎⴰⵚⴰⴷⵉⵔ) ⵜⵉⴳⴰⵎⴰⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.

« ⵢⴻⵙⵙⴻⴼⴽ ⴰⴷ ⵜⴻⵙⵙⵓⴳⴳⴻⵜ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⵙⵙⵉⵙⴻⵏ-ⵏⵏⴻⵙ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⵜⴻⵙⵙⵓⴷⴷⴻⵙ ⵜⴰⵙⴻⴼⵔⴰⵏⵜ (ⵏ ⵓⴳⴳⵓⵛⵛⴻⵍⵎⴰⵏ [ⵜⴰⵇⵔⵉⵔ ⵎⴰⵚⵉⵔ]) ⵢⴻⵔⵏⵓ ⴰⴷ ⵜⴻⴼⵔⵓ ⵙⵙⴻⴱⴱⴰⵜ ⵜⵉⵍⵇⴰⵢⴰⵏⵉⵏ ⵢⴻⵇⵇⵏⴻⵏ ⵖⴻⵔ ⵡⴻⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷ ⵓⵖⴻⵍⵍⴻⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⵓⵜⴻⵔ.