Asebter amenzawi

Aneẓruf Utrim: tɛawed twekked-d Terni n Polisario aɛewwel-nnes n wemciweṛ d Meṛṛuk

NEW YORK – Tɛawed twekked-d Terni n Polisario, ass n laṛebɛa deg New York, awjad-nnes akken ad temciweṛ d Meṛṛuk ɣef uẓayer (waḍɛ) n Uneẓruf Utrim, am wakken ay d-tenna dakken tecɣeb-itt tiddit n Meṛṛuk ay la iregglen ibriden akken ad tessexṣer akala (masar) n Yeɣlanen Yeddukklen.

Deg yiwen n welɣu (bayan) ay d-yeffɣen ass n laṛebɛa deg New York, yenna-d usemyuddas (munassiq) aṣeḥrawi ixeddmen d Tuɣdaḍt n Yeɣlanen Yeddukklen i Ussuddes n Tsefrant deg Uneẓruf Utrim (Minurso), Mhamed Khaddad, dakken Tirni n Polisario « tewjed ad tebdu lemcawṛat d Meṛṛuk ɣef zik lḥal yernu war ccuruḍ, s uqader n tseɣrut (taṣriḥ) n umaru amatu n Yeɣlanen Yeddukklen n 4 Nwembeṛ 2015 d tneɣtusin n Useqqamu n Tɣellist ».

« Tirni n Polisario tenna-d dakken yecɣeb-itt mliḥ » uneɛruḍ ay tezga Meṛṛuk tɛerreḍ akken ad d-teg iɛewwiqen i ukala asertan n Tuddsa n Yeɣlanen Yeddukklen ɣef Uneẓruf Utrim », ɣef wakken ay d-yenna.

Akala asertan deg Uneẓruf Utrim atan yeḥbes, ɣef wakken ay d-yenna Mass Khaddad ay d-yernan dakken aqbar-a yessexṣer tagnit n yizerfan n wemdan deg yikalen iṣeḥrawiyen yettwaḍḍfen, akken ay d-iwekked uṛabul aneggaru n yiɣef n Yeɣlanen Yeddukklen, am wakken ay yerẓem daɣ waya abrid i Meṛṛuk akken ad taker tiɣbula (maṣadir) tigamanin n Uneẓruf Utrim.

« Yessefk ad tessugget Tuddsa n Yeɣlanen Yeddukklen ussisen-nnes (maǧhudat) akken ad tessuddes tasefrant (n ugguccelman [taqrir maṣir]) yernu ad tefru ssebbat tilqayanin yeqqnen ɣer werkaḍ n yizerfan n wemdan d uɣellet yeffɣen i lqanun n teɣbula tigamanin n Uneẓruf Utrim », ɣef wakken ay d-yessuter.