Asebter amenzawi

Tixencelt: ugar n waman i yimezdaɣen n twilayt deg unebdu-a

TIXENCELT – Yenna-d unemhal n yimeswi n twilayt n Txencelt dakken tasmekta (kammiyya) n waman n tissit ad yettawḍen deg wass deg twilayt-a ad ternu s 24.300 n yimitren igasasen (m3) nnig 54.000 n yimitren igasasen ay tt-id-yettawḍen ass-a. Aswir-a ad d-yili deg unebdu-a ɣef wakken ay aɣ-d-yenna.

I lmend n waya, tawiayt la tessizdig 12 n wunan (abyar) deg tɣiwanin yemgerraden, ɣef wakken ay d-yenna Mass Mohamed Boudjeltia, yernu yenna-d dakken unan-a ad d-ttekkin s 7.100 n yimitren igasasen n waman n tissit deg wass.

Yenna-d dakken ad d-ḥazen tajellabt n 70 n yimelyunen n yidinaṛen i uṣeggem n 10 n wunan niḍen yeččuṛen d ijdui, yernu unan-a ad d-rnun tasmekta n 6.400 n yimitren igasasen. Kra seg wunan-a qrib ad ifak ussizdeg-nsen.

Nnig waya, yenna-d Mass Boudjeltia dakken ad d-ḥazen 190 n yimelyunen n yidinaṛen i yixeddimen n ussemɣer n tuqqna n 14 n wunan imaynuten ɣer lxeznat n waman akken ad d-rnun 5.800 n yimitren igasasen deg wass.

Ixeddimen-a ad d-ilin deg tɣiwanin n Txencelt, Wlad Ṛeccac, Ceccaṛ, Lḥamma, Tamza, Yabus, Lemsara, Celya, Baɣay d Mettusa.