ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵅⴻⵏⵛⴻⵍⵜ: ⵓⴳⴰⵔ ⵏ ⵡⴰⵎⴰⵏ ⵉ ⵢⵉⵎⴻⵣⴷⴰⵖⴻⵏ ⵏ ⵜⵡⵉⵍⴰⵢⵜ ⴷⴻⴳ ⵓⵏⴻⴱⴷⵓ-ⴰ

ⵜⵉⵅⴻⵏⵛⴻⵍⵜ – ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵢⵉⵎⴻⵙⵡⵉ ⵏ ⵜⵡⵉⵍⴰⵢⵜ ⵏ ⵜⵅⴻⵏⵛⴻⵍⵜ ⴷⴰⴽⴽⴻⵏ ⵜⴰⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴰⴷ ⵢⴻⵜⵜⴰⵡⴹⴻⵏ ⴷⴻⴳ ⵡⴰⵙⵙ ⴷⴻⴳ ⵜⵡⵉⵍⴰⵢⵜ-ⴰ ⴰⴷ ⵜⴻⵔⵏⵓ ⵙ 24.300 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⵏⵏⵉⴳ 54.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴰⵢ ⵜⵜ-ⵉⴷ-ⵢⴻⵜⵜⴰⵡⴹⴻⵏ ⴰⵙⵙ-ⴰ. ⴰⵙⵡⵉⵔ-ⴰ ⴰⴷ ⴷ-ⵢⵉⵍⵉ ⴷⴻⴳ ⵓⵏⴻⴱⴷⵓ-ⴰ ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ.

ⵉ ⵍⵎⴻⵏⴷ ⵏ ⵡⴰⵢⴰ, ⵜⴰⵡⵉⴰⵢⵜ ⵍⴰ ⵜⴻⵙⵙⵉⵣⴷⵉⴳ 12 ⵏ ⵡⵓⵏⴰⵏ (ⴰⴱⵢⴰⵔ) ⴷⴻⴳ ⵜⵖⵉⵡⴰⵏⵉⵏ ⵢⴻⵎⴳⴻⵔⵔⴰⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⵧⵀⴰⵎⴻⴷ ⴱⵧⵓⴷⵊⴻⵍⵜⵉⴰ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵏⴰⵏ-ⴰ ⴰⴷ ⴷ-ⵜⵜⴻⴽⴽⵉⵏ ⵙ 7.100 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵡⴰⵙⵙ.

ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷ ⴷ-ⵃⴰⵣⴻⵏ ⵜⴰⵊⴻⵍⵍⴰⴱⵜ ⵏ 70 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵚⴻⴳⴳⴻⵎ ⵏ 10 ⵏ ⵡⵓⵏⴰⵏ ⵏⵉⴹⴻⵏ ⵢⴻⵞⵞⵓⵕⴻⵏ ⴷ ⵉⵊⴷⵓⵉ, ⵢⴻⵔⵏⵓ ⵓⵏⴰⵏ-ⴰ ⴰⴷ ⴷ-ⵔⵏⵓⵏ ⵜⴰⵙⵎⴻⴽⵜⴰ ⵏ 6.400 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ. ⴽⵔⴰ ⵙⴻⴳ ⵡⵓⵏⴰⵏ-ⴰ ⵇⵔⵉⴱ ⴰⴷ ⵉⴼⴰⴽ ⵓⵙⵙⵉⵣⴷⴻⴳ-ⵏⵙⴻⵏ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⴷⵊⴻⵍⵜⵉⴰ ⴷⴰⴽⴽⴻⵏ ⴰⴷ ⴷ-ⵃⴰⵣⴻⵏ 190 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵢⵉⵅⴻⴷⴷⵉⵎⴻⵏ ⵏ ⵓⵙⵙⴻⵎⵖⴻⵔ ⵏ ⵜⵓⵇⵇⵏⴰ ⵏ 14 ⵏ ⵡⵓⵏⴰⵏ ⵉⵎⴰⵢⵏⵓⵜⴻⵏ ⵖⴻⵔ ⵍⵅⴻⵣⵏⴰⵜ ⵏ ⵡⴰⵎⴰⵏ ⴰⴽⴽⴻⵏ ⴰⴷ ⴷ-ⵔⵏⵓⵏ 5.800 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴷⴻⴳ ⵡⴰⵙⵙ.

ⵉⵅⴻⴷⴷⵉⵎⴻⵏ-ⴰ ⴰⴷ ⴷ-ⵉⵍⵉⵏ ⴷⴻⴳ ⵜⵖⵉⵡⴰⵏⵉⵏ ⵏ ⵜⵅⴻⵏⵛⴻⵍⵜ, ⵡⵍⴰⴷ ⵕⴻⵛⵛⴰⵛ, ⵛⴻⵛⵛⴰⵕ, ⵍⵃⴰⵎⵎⴰ, ⵜⴰⵎⵣⴰ, ⵢⴰⴱⵓⵙ, ⵍⴻⵎⵙⴰⵔⴰ, ⵛⴻⵍⵢⴰ, ⴱⴰⵖⴰⵢ ⴷ ⵎⴻⵜⵜⵓⵙⴰ.