ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵜⴰⵖⴻⵍⵏⴰⵡⵜ ⵜⵉⵙ-ⵙⴻⵏⵜ ⵏ ⵜⴳⴻⵎⵎⵉ ⵏ ⵢⵉⵛⵉⵔⴻⵏ ⵏ ⵜⵉⵒⴰⵣⴰ : ⴰⵍⴰⵖⵉ ⵏ ⵜⵓⵎⴹⵉⵏⵜ ⵏ ⵜⴳⴻⵎⵎⵉ ⴷ ⵓⵃⴰⴹⵉ ⴼⴻⵍⵍ-ⴰⵙ
ⵜⵉⵒⴰⵣⴰ – ⵍⴰⵖⴰⵏ ⵢⵉⵎⵓⵛⴰⵔⴽⴻⵏ ⴷⴻⴳ ⵉ ⵓⵙⵙⴰⵏ ⵏ ⵜⵉⵎⵍⵉⵍⵉⵜ ⵜⴰⵖⴻⵍⵏⴰⵡⵜ ⵜⵉⵙ-ⵙⴻⵏⵜ ⵏ ⵜⴳⴻⵎⵎⵉ ⵏ ⵓⵎⴻⵣⵔⵓⵢ ⴷ ⵢⵉⵛⵉⵔⴻⵏ ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ. ⵢⴻⵍⵍⴰⵏ ⵜⴻⵜⵜⵡⴰⵅⵜⴻⵎ, ⴰⵙⵙ ⵏ ⵍⵍⵉⵔⴻⴱⵄⴰ, ⵖⴻⵔ ⵓⵙⵜⵖⴻⵍⵍⵉ ⵏ ⵜⵜⴰⵡⵉⵍⴰⵜ ⵏ ⵜⵉⴽⵏⵓⵍⵓⵊⵢⴰ ⴷ ⵜⵖⴰⵎⵙⴰ ⴷ ⵓⵚⵉⵡⴻⴹ. ⵉⵙⵡⵉ ⴷ ⵜⴻⴼⵙⴻⵔⵜ ⵏ ⵜⵓⵎⴹⵉⵏⵜ ⵏ ⵜⴳⴻⵎⵎⵉ ⵏ ⵜⵡⵉⵍⴰⵢⵜ ⴷ ⵓⵃⴰⴹⵉ ⴼⴻⵍⵍ-ⴰⵙ.
ⴰⵔⴻⵏ ⵉ ⵜⵜⵔⴻⵏ ⵢⵉⵎⵓⵛⴰⵔⴽⴻⵏ ⴷⴻⴳ ⵡⴰⵍⵖⵓ ⵏ ⵜⴻⵅⵜⵉⵎⵜ ⵏ ⵜⵉⵎⵍⵉⵍⵉⵜ-ⴰ ⵢⴻⵍⵍⴰⵏ ⵢⵉⴳⵉⵜ ⵓⵍⵎⵓⵙ ⵏ ⵜⴻⵙⴷⴰⵡⵉⵜ ⵏ ⵜⵉⵒⴰⵣⴰ, ⵎⵓⵔⵙⵍⵉ ⵄⴰⴱⴷ ⴰⵍⵍⴰⵀ, ⵙ ⵜⵓⵇⵏⴰ ⵉⴷ ⵏ ⵜⴰⵎⴻⵀⵍⴰ ⵏ ⵢⴻⴷⵍⴻⵙ ⵖⴻⴼ ⵜⴰⴹⵓⵍⵍⵉⵜ ⵏ ⵜⴳⴻⵎⵎⵉ ⵏ ⵓⵎⴻⵣⵔⵓⵢ ⴷ ⵢⵉⵛⵉⵔⴻⵏ ⴷ ⵓⵚⴽⴰⵢ ⵏ ⵜⴻⵅⴱⴰⵍⵜ ⵜⵉⵍⵉⴽⵜⵔⵓⵏⵉⵜ ⵜⴻⵜⵜⵅⵓⵚⵚⴰ ⴷⴻⴳ ⵉ ⵓⵊⴻⵔⵔⴻⴷ ⴷ ⵓⵙⴻⵏⵄⴻⵜ ⵏ ⵜⴳⴻⵎⵎⵉ ⴰⴷⴻⵍⵙⴰⵏ.
ⴰⵔⴻⵏ ⵉ ⵍⵣⵖⴰⵏ ⵢⴻⵎⴹⴻⴱⴱⵕⴻⵏ ⴰⴷ ⵡⴻⴼⴼⵔⴻⵏ ⵜⵜⴰⵡⵉⵍⴰⵜ ⴷ ⵍⵎⵉⴽⴰⵏⵉⵣⵎⴰⵜ, ⴰⵎⴻⴽ ⴰⴷ ⵛⴰⵔⴽⴻⵏ ⵢⵉⵎⵓⵔⵣⴻⵢⴻⵏ ⴷⴻⴳ ⵉ ⵍⵄⴰⵎⴰⵍⴻⵢⵢⴰⵜ ⵏ ⵜⵓⵇⵇⵣⴰ ⵢⴻⵍⵍⴰⵏ ⵜⵅⴻⴷⴷⴻⵎ-ⵉⵀⴻⵏⵜ ⵜⴰⵎⴻⵀⵍⴰ ⵏ ⵢⴻⴷⵍⴻⵙ ⴷ ⵓⵚⴽⴰⵢ ⵏ ⵜⴻⵅⴱⴰⵍⵜ ⵏ ⵜⵎⵓⵔⵣⵉ ⴷ ⵜⵓⵇⵇⵣⴰ ⴷⴻⴳ ⵉ ⵓⵙⵡⵉⵔ ⴰⵖⴻⵍⵏⴰⵡ.
