Asebter amenzawi

13 n yemdanen ay ijerḥen deg weṛjam n yiwen n usakal

TAɣERDAYT – 13 n yemdanen ay ijerḥen mi yettwaṛjem yiwen n usakal (ḥafila) yeqqnen Taɣerdatt ɣer Daya Ben Dehwa ass n leṛabɛa. Asakal-a yettwaṛjem s tqerɛunin n tmes ay d-zellin fell-asen yemdanen ur yettwassnen deg wemkan umi ttinin Tiɣezza, sdat temdint n Tɣerdayt, ɣef wakken ay d-yenna wesbiṭar wuɣur wwin imejraḥ-a.

Yiwet seg tqerɛunin n tmes terẓa zzjaj-nni n usakal yernu tesserɣ kra n yemsiklen (musafirin), gar-asen 5 seg tmura n wenẓul n Uneẓruf, nnig waya, asakal-nni tendeḥ deg-s tmes, ɣef wakken ay aɣ-d-nnan yixeddamen n wesbiṭar. Ɣef leḥsab-nsen, imcewwlen ay d-iṛejmen asakal-a rewlen.

Akken kan ay ten-yewweḍ yisali, ddan ɣer din yiɣallen n tɣellist (amn) akken ad nadin ɣef yemcewwlen-a.

Nnig waya, yedda uwali n Tɣerdayt ɣef yiɣef n yiwet n tmagla n yiduba (suluṭat) idiganen akken ad yerzu ɣef yimejraḥ-a yellan deg teklinit n Daya Ben Dehwa, anda ay d-msegrawent twinas n yemdanen akken ad d-ccetkin ɣef waya, maca war ma gan ccwal.