Asebter amenzawi

Yemcawaṛ Mass Louh ɣef yimenɣi mgal tehyufin d uneɣlaf anijiryan Mustapha Abdallah

NEW YORK– Yemcawaṛ uneɣlaf n teɣdemt, Tayeb Louh, ass n laṛebɛa deg New York, ɣef yimenɣi mgal tehyufin d tejrimt d uneɣlaf anijiryan Muhammad Mustapha Abdallah, yellan daɣ d aselway n Tnegga n Weswaḍ n Tehyufin deg Nijirya.

Yella-d udiwenni-a (ḥiwar) deg yijifeṛ n tedwilt tafeɣnamit n Tuddsa n Yeɣlanen Yeddukklen d-yelhan d wugur anmaḍal n tehyufin.

Awal d Mass Mustapha Abdallah yella-d ɣef ttawilat n weḥbas n tliwa n tedrimt n rrebrab, ladɣa imi amur ameqran seg yedrimen ay sseqdacent tegrawin tirebrabin yettekk-d seg ussetti n tehyufin.

Ɛawden daɣ wekkden-d, sin-a n yidisan, addud-nsen ucrik deg wayen yerzan agdal (manɛ) n tehyufin, s uqader n wayen ay d-nnan yemtawayen (ittifaqat) yemgerraden n Tuddsa n Yeɣlanen Yeddukklen, am wakken ay d-nnan dakken yessefk ad yettwassejhed uḥezzeb mgal uxeṣṣar n tehyufin deg Tefriqt, aydeg aṭas n tmura ay yuɣalen d abrid i ussetti-nsent.

Ssawlen-d daɣ sin-a n yimasayen (mas’ulin) ɣef wemɛawen ucrik gar Ldzayer d Nijirya yellan d snat seg tmura ay d-yesbedden Ticcurka Tamaynut n Wesnefli (tanmiya) deg Tefriqt (NEPAD).