Asebter amenzawi

Asfugel n tefsut n yimaziɣen : Tanegmit n tmagit tamaziɣt tga "asurif ameqqran" (Amazzag)

LEZZAYER - Tanegmit n tmagit tamaziɣt tga "asurif ameqqran", seg tedyanin n tefsut n yimaziɣen n 20 yebrir 1980 ar tura, i d-yenna ass n lexmis usdawan Abderrezak Dourari, yezzireg-d dakken asenṣeb n tutlayt tamaziɣt temsuɣel Lezzayer akked ‘’tizzayrit-is’’.

Krad tmerwin d sḍis n yiseggasen seg tezri tefsut n yimaziɣen, ‘’Lezzayer tuɣal ugar d tazzayrit, teldi ugar, ɣas akken mazal amihi n tmuɣliwin tisnaktanin ddrent. Tiẓin ɣer sdat deg wayen yerzan timmuzɣa yessaweḍ s amsuɣal n Lezzayer akked tizzayrit-is, anamek n waya d ufuɣ-is seg teqlaḍt tasnamyant n tmagit taɛrabt-tislamant’’, i d-yenna i Tnegga, Abderrezak Dourari, d Aprufisur n tussniwin n tmeslayt deg Tesdawit n Lezzayer II.

Seg yidis nniḍen amazzag, anemhal n ulemmas n Tmaziɣt, icudden s aɣlif n Usegmi aɣelnaw, yezwer-d, deg uwehhi-a, ajerred deg Tmenḍawt yettwaceggren, deg furar yezrin, amḍiq aɣelnaw unṣib i fkan i tutlayt-a, yettwali dakken aya d "asurif ameqqran".