ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⴻⵔⵏⵉⵡⵜ ⵏ ⵡⴰⵢⵢⵓⵔ ⵉ ⵜⴰⵍⵍⵉⵜ ⵏ ⵜⴻⵎⵙⵉⵣⵡⴻⵔⵜ ⵉ ⵡⴻⵅⴷⴰⵎ ⵏ ⵓⵙⴻⴱⴷⴰⴷ ⵉ ⵎⴰⵙⴻⵏⵙⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴰⵍⵍⵉⵜ ⵏ ⵓⵙⵙⴻⵔⵙⵉ ⵏ ⵢⵉⵙⵙⵓⵎⴰⵔ (ⵎⵓⵇⵜⴰⵔⴰⵃⴰⵜ) ⵉ ⵡⴻⵅⴷⴰⵎ ⵏ ⵓⵙⴻⴱⴷⴰⴷ ⵏ ⵡⴻⴱⵕⵓⵏⵣ ⵉ ⵓⴳⴻⵍⵍⵉⴷ ⵎⴰⵙⴻⵏⵙⴻⵏ ⵜⴻⵔⵏⴰ ⵙ ⵡⴰⵢⵢⵓⵔ, ⴷⴻⴼⴼⵉⵔ ⵎⴰ ⵏⵏⴰⵏ-ⴷ, ⵏⴰⵇⴰⵍ, ⴰⴷ ⵜⴼⴰⴽ ⴷⴻⴳ 20 ⵢⴻⴱⵔⵉⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵇⵇⴰⵎⵓⵜ ⵏ ⵢⵉⵏⴻⴼⵔⴰⵢⴻⵏ ⵏ ⵜⴻⵎⵙⵉⵣⵡⴻⵔⵜ-ⴰ.
ⵜⴰⵙⴻⵇⵇⴰⵎⵓⵜ-ⴰ ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵡⴻⵙⴷⴰⵡⴰⵏ ⴻⵍ ⵀⴰⴷⵉ ⵀⵉⵔⴻⵛⵀⴻ, ⵜⴻⵏⵏⴰ-ⴷ ⴷⴰⴽⴽⴻⵏ ⵜⴻⵙⵙⴻⵖⵣⴻⴼ ⵜⴰⵍⵍⵉⵜ ⵏ ⵜⴻⵎⵙⵉⵣⵡⴻⵔⵜ « ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵜⵜⴻⴽⴽⵉ ⴷ ⴰⵎⴻⵇⵔⴰⵏ » ⵙⵖⵓⵔ ⵢⵉⵏⴰⵥⵓⵔⴻⵏ ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ « ⵙⴻⴳ ⴳⴰⵔ 9 ⵏ ⵜⵎⵓⴷⵎⵉⵏ (ⵏⴰⵎⴰⴷⵉⴵ) ⴰⵢ ⴷ-ⵢⴻⵜⵜⵡⴰⵙⵙⵓⵎⵔⴻⵏ ⵢⴻⵔⵏⵓ ⵜⵜⵡⴰⵣⴻⵔⵡⴻⵏⵜ, ⵓⵍⴰ ⴷ ⵢⵉⵡⴻⵜ ⵓⵔ ⵜⴻⵜⵜⵡⴰⵇⴱⴻⵍ » ⵉⵎⵉ ⴰⵢ ⵙⵄⴰⵏⵜ ⴽⵔⴰ ⵏ « ⵍⴻⵄⵢⵓⴱ » ⴷⴻⴳ ⵡⴰⴽⵓⴷ ⴰⵢⴷⴻⴳ ⴽⵔⴰ ⵓⵔ ⵇⵓⴷⵔⴻⵏⵜ ⵛⵛⵓⵔⵓⴹ ⵏ ⵡⴰⵢⴻⵏ ⴰⵢ ⴷ-ⵢⴻⵜⵜⵡⴰⵙⵙⵓⵜⵔⴻⵏ.
ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵙⴻⴱⴷⴰⴷ-ⴰ (ⵜⵉⵎⵜⴰⵍ) ⵢⴻⵙⵄⴰ ⵏⵏⵄⴰⵢⴻⵜ ⵏ ⵡⵓⴷⴻⵎ ⵏ ⵎⴰⵙⴻⵏⵙⴻⵏ ⵢⴻⵔⵏⵓ ⴰⵢⴰ ⴷ ⵛⵛⴻⵔⴹ ⵏ ⵍⵍⵙⴰⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵉⵍⵉⵏ ⵢⵉⵛⴻⴹⴹⵉⴹⴻⵏ ⴷ ⵍⴻⵙⵍⴰⵃ-ⵏⵏⴻⵙ « ⴷⴷⴰⵏ » ⴷ ⵡⴰⵢⴻⵏ ⴰⵢⵖⴻⴼ ⴷ-ⵛⴻⵀⴷⴻⵏ ⵢⴻⵏⵎⴻⵣⵔⵓⵢⴻⵏ ⴷ ⵢⴻⵎⵙⴻⵏⵣⵉⴽⴻⵏ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⴻⵙⵙⴽⴻⵏ ⵡⴰⵢⴰ « ⵜⴻⵎⵖⴻⵔ » ⵏ ⵓⴳⴻⵍⵍⵉⴷ ⵎⴰⵙⴻⵏⵙⴻⵏ ⵙ ⵢⵉⵙⴻⵎ-ⵏⵏⴻⵙ ⴷ ⴰⵖⴻⵍⵍⴰ (ⵣⴰⵄⵉⵎ) ⵏ ⵡⴻⵎⴳⴰⵔⵓ ⵢⴻⵔⵏⵓ ⴷ ⵉⵎⵙⴻⴱⴷⴻⴷ ⵏ ⵓⵡⴰⵏⴰⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵇⵇⴰⵎⵓⵜ ⵏ ⵢⵉⵏⴻⴼⵔⴰⵢⴻⵏ.
ⴰⵙⴻⵏⴼⴰⵔ ⵏ ⵡⴻⵅⴷⴰⵎ ⵏ ⵓⵙⴻⴱⴷⴰⴷ ⵏ ⵎⴰⵙⴻⵏⵙⴻⵏ ⵢⴻⴱⴷⴰ-ⴷ ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ ⵢⴻⵔⵏⵓ ⵢⴻⵜⵜⴻⴽⴽⴰⵢ ⴷⴻⴳ ⵡⴻⵃⵔⴰⵣ ⵏ ⵜⴳⴻⵎⵎⵉ ⵜⴰⵎⴰⵣⵉⵖⵜ ⵙ ⵜⵔⵉⵔⵉⵜ ⵏ ⵡⴰⵣⴰⵍ ⵉ ⵡⵓⴷⵎⴰⵡⴻⵏ-ⵏⵏⴻⵙ ⵉⵎⴻⵣⵔⵓⵢⴰⵏⴻⵏ ⴰⵎ ⵎⴰⵙⴻⵏⵙⴻⵏ ⴰⵢ ⴷ-ⵢⴻⵙⴱⴻⴷⴷⴻⵏ ⴰⵡⴰⵏⴰⴽ ⵏ ⵏⵓⵎⵉⴷⵢⴰ ⴷⴻⴳ ⵍⵇⴻⵔⵏ ⵡⵉⵙ 2 ⵓⵇⴱⴻⵍ ⵙⵉⴷⵏⴰ ⵄⵉⵙⴰ.
ⴰⵙⴻⴱⴷⴰⴷ-ⴰ ⴰⴷ ⵢⴻⵔⵙ ⴷⴻⴳ ⵍⴷⵣⴰⵢⴻⵔ ⵜⴰⵍⴻⵎⵎⴰⵙⵜ ⵢⴻⵔⵏⵓ ⴷ ⵜⴰⵖⵉⵡⴰⵏⵜ-ⴰ ⴰⴷ ⵉⵅⴻⵍⵍⵚⴻⵏ ⴰⵙⴻⵏⴼⴰⵔ-ⵏⵏⴻⵙ.
ⵜⴰⵙⴻⵇⵇⴰⵎⵓⵜ-ⴰ ⴰⵢⴷⴻⴳ ⵜⵜⴻⴽⴽⴰⵏ ⵢⴻⵏⵎⴻⵣⵔⵓⵢⴻⵏ, ⵉⵏⴰⵥⵓⵔⴻⵏ ⴷ ⵢⴻⵙⵔⴻⵇⵇⴰⵜⴻⵏ (ⵏⴰⵃⵃⴰⵜⵉⵏ) ⵍⴰ ⵜⵅⴻⴷⴷⴻⵎ ⴷⴷⴰⵡ ⵓⴷⴰⴱⵓ ⵏ ⵓⵖⴻⵔⴱⴰⵣ ⵉⵎⵉⵏⴻⴳ ⵏ ⵜⵥⵓⵔⵉⵢⵉⵏ ⵜⵓⵛⴱⵉⵃⵉⵏ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.
ⴰⵙⴻⵏⴼⴰⵔ-ⴰ ⵢⴻⵜⵜⴻⴽⴽⴰ ⴷⴰⵖ ⴷⴻⴳ-ⵙ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵙ ⵓⵙⵙⴻⴳⵔⴻⵔ (ⵜⴰ’ⵟⵉⵔ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ-ⴰ, ⵙⵉ ⴻⵍ ⵀⴰⵛⵀⴻⵎⵉ ⴰⵙⵙⴰⴷ.
