ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴻⵜⵜⴰⵏⵜ ⵏ ⵓⵙⴻⵍⵡⴰⵢ ⴰⵛⵉⵍⵉ ⴰⵇⴱⵓⵔ ⵒⴰⵜⵔⵉⵛⵉⵧ ⴰⵢⵍⵡⵉⵏ: ⵢⴻⵙⵜⴻⵏⵢⴰ ⴱⴻⵏⵙⴰⵍⴰⵀ ⴰⵣⵎⴰⵎ ⵏ ⵓⵄⴻⵣⵣⵉ
ⵍⴻⵣⵣⴰⵢⴻⵔ– ⵢⴻⵙⵜⴻⵏⵢⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵜⵎⴰⵀⴻⵍⵜ (ⵙⴰⴼⴰⵔⴰ) ⵏ ⵛⵉⵍⵉ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵣⵎⴰⵎ ⵏ ⵓⵄⴻⵣⵣⵉ ⵖⴻⴼ ⵜⵎⴻⵜⵜⴰⵏⵜ ⵏ ⵓⵙⴻⵍⵡⴰⵢ ⴰⵛⵉⵍⵉ ⴰⵇⴱⵓⵔ, ⵒⴰⵜⵔⵉⵛⵉⵧ ⴰⵢⵍⵡⵉⵏ.
« ⴷⴻⴳ ⵜⴻⴳⵏⵉⵜ-ⴰ ⵜⵓⵇⵔⵉⵃⵜ, ⵓⵙⵉⵖ-ⴷ ⴰⴷ ⴽⴻⵏ-ⵄⴻⵣⵣⵉⵖ ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷ ⵢⵉⵙⴻⵎ ⵏ ⵓⵏⴰⴱⴰⴹ ⴷ ⵡⴻⵖⵔⴻⴼ ⴰⴷⵣⴰⵢⵔⵉ ⴷ ⵢⵉⵙⴻⵎ-ⵉⵏⵓ ⵓⴷⵎⴰⵡⴰⵏ, ⵢⴻⵔⵏⵓ ⴰⴷ ⴰⵡⴻⵏ-ⴷ-ⵙⵙⵉⵡⴹⴻⵖ ⵙⴻⴳ ⵡⵓⵍ ⵉⵃⵓⵍⴼⴰⵏ-ⵉⵏⵓ ⵏ ⵍⴻⵃⵣⴻⵏ, ⴰⵚⴻⴱⴱⴻⵔ ⴷ ⵡⴻⴱⴷⴰⴷ ⵖⴻⵔ ⵢⵉⴷⵉⵙ-ⵏⵡⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵎⴰⵙⵙ ⴱⴻⵏⵙⴰⵍⴰⵀ.
« ⵜⴰⴳⴷⵓⴷⴰ ⵏ ⵛⵉⵍⵉ ⵜⴻⵙⵕⵓⵃ, ⵙ ⵜⵎⴻⵜⵜⴰⵏⵜ ⵏ ⵒⴰⵜⵔⵉⵛⵉⵧ ⴰⵢⵍⵡⵉⵏ, ⵢⵉⵡⴻⵏ ⵙⴻⴳ ⵢⴻⵎⵃⴰⴷⴷⵉⵢⴻⵏ ⵉⵎⴻⵇⵔⴰⵏⴻⵏ ⵏ ⵡⴰⵣⴰⵍⴻⵏ ⵏ ⵜⴻⵖⴷⴻⵎⵜ ⴷ ⵜⵓⴳⴷⵓⵜ, ⴰⵔⴳⴰⵣ ⵏ ⵓⵡⴰⵏⴰⴽ ⵓⵔ ⵢⴻⵙⵄⵉⵏ ⵜⴰⵎⵜⵉⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵢⴻⴱⴷⴻⵔ-ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ ⴰⵎⴻⵛⵡⴰⵕ ⵏ ⵓⵙⴻⵍⵡⴰⵢ ⴰⵇⴱⵓⵔ ⵏ ⵛⵉⵍⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵖⴻⴼ ⵓⵜⵜⴻⴽⴽⵉ ⴰⵎⴻⵍⵍⵉⵍ (ⴼⴰⵄⵄⴰⵍ) ⵏ ⵓⵙⴻⵍⵡⴰⵢ-ⴰ ⴷⴻⴳ « ⵢⵉⵎⴻⵏⵖⵉ ⵎⴳⴰⵍ ⵜⴻⵙⵏⴰⵔⴻⴼⵜ » ⴷ ⵡⴰⵎⴻⴽ ⴰⵢ ⵢⴻⵙⵙⴰⵡⴻⴹ, ⵙ ⵜⵎⵓⵖⵍⵉ-ⵏⵏⴻⵙ ⵜⴰⵙⴻⵔⵜⴰⵏⵜ ⵜⵓⵚⵡⵉⴱⵜ, ⴰⴷ ⵢⴻⵃⴽⴻⵎ ⵛⵉⵍⵉ ⴷⴻⴳ ⵜⴰⵍⵍⵉⵜ ⵜⴰⵡⴻⵄⵕⴰⵏⵜ ⵏ ⵜⵓⴽⴽⵉⵜ, ⴷ ⴰⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⵎⴻⴳⴷⴰⵢ, ⴰⵜⵔⴰⵔ.
« ⵏⴻⵜⵜⵡⴻⴽⴽⵉⴷ-ⴷ ⴰⵄⴻⵣⵣⵉ-ⵏⵏⴻⵖ ⵙⴻⴳ ⵡⵓⵍ ⵉ ⵡⴻⵖⵔⴻⴼ ⴰⵛⵉⵍⵉ ⴰⴳⵎⴰⵜ ⴷ ⵜⵡⴰⵛⵓⵍⵜ ⴷ ⵢⴻⵇⵔⵉⴱⴻⵏ ⵏ ⵓⵎⴻⵕⵃⵓⵎ, ⵢⴻⵔⵏⵓ ⵏⴻⴹⵎⴻⵏ-ⴰⵡⴻⵏ ⵜⴰⵎⵙⴻⵜⵍⴻⵍⵜ-ⵏⵏⴻⵖ (ⵜⴰⴹⴰⵎⵓⵏ) ⵜⵓⵎⵎⵉⴷⵜ ⴷⴻⴳ ⵜⴻⵙⵡⵉⵄⵜ-ⴰ ⵜⵓⵇⵔⵉⵃⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⴱⴻⵏⵙⴰⵍⴰⵀ.
ⵒⴰⵜⵔⵉⵛⵉⵧ ⴰⵢⵍⵡⵉⵏ ⵢⴻⵃⴽⴻⵎ ⵛⵉⵍⵉ ⵙⴻⴳ 1990 ⵖⴻⵔ 1994 ⵢⴻⵔⵏⵓ ⵢⴻⵎⵎⵓⵜ ⴰⵙⵙ ⵏ ⵜⵜⵍⴰⵜⴰ ⵖⴻⵔ 97 ⵏ ⵢⵉⵙⴻⴳⴳⴰⵙⴻⵏ.
