Asebter amenzawi

Atinis: Talɣuɣa Tagraɣlant n Utinis n Yilemẓiyen seg 25 ɣer 30 Yebrir deg Tlemsan

LEZZAYER TAMANEɣT– Taẓrigt tis 10 n Telɣuɣa Tagraɣlant n Utinis n yilemẓiyen (iqcicen d teqcicin) ad d-tili seg 25 d 30 Yebrir deg wesrir (nadi) n utinis n Menṣura, deg Tlemsan, ɣef wakken ay aɣ-d-tenna ass n lexmis Tfidiṛalit Tadzayrit n Utinis.

29 n tmura ad yettekkin deg tedyant-a: Lezzayer, Tafriqt n Wenẓul, Ṭṭerk, Ukṛanya, Zimbabwe, Maṣer, Puṛtugal, Tunes, Pulunya, Sswis, Miksik, Nuṛwij, Meṛṛuk, Fṛansa, Tanzanya, Spenyul, Madagaskaṛ, Côte d’Ivoire, Lubnan, Pakistan, Iwanaken Yeddukklen, Serbya, San Marino, Gabun, Lalman, Burundi, Timura n Wadda, Langliz d Finland.

Inaddalen idzayriyen ad ten-id-tṣaḥ tegnit ad qisen tizemmar-nsen mgal yimariren n tmura niḍen. Talɣuɣa-a ad d-tili ddaw udabu n unezraf-anefray adzayri Hakim Fateh d unemhal n telɣuɣa, Mohamed Bessaad. Taẓrigt (ṭabɛa) tis 10 n Telɣuɣa-a ad ttekkin deg-s aṭas n yinaddalen « yekkaten akken ad sselhun aswir-nsen anmaḍal », ɣef wakken ay d-tenna Tfidiṛalit Tadzayrit n Utinis.

Tadyant-a tanmaḍalt ad tettwassuddes (tunaḍḍam) s wemɛawen d temɣunt (rabiṭa) n utinis n Tlemsan, yernu tella-d d aḥric seg wahil n Tfidiṛalit Tagraɣlant n Utinis.