Asebter amenzawi

Timlilit tagraɣlant ɣef wayen akk yura Belɛid At Ɛli, ass n lḥed di Tizi Wezzu

TIZI WEZZU- Timlilit tagraɣlant ɣef wayen akk yura umeggay azzayri s tutlayt n tmaziɣt, Belɛid At Ɛli (1909-1950) ad d-yili ussan n 24 d 25 seg waggur-agi deg nella, di twilayt n Tizi-Wezzu, iɣ-sɛellmen ass n ssebt imsuddsen.

Timlilit-agi i yessuddes Useqqamu Unnig n Timmuzɣa (HCA), s utekki n tegrawt useggem d uselmed n tutlayt n Tmaziɣt (LAELA) n tesdawit n Tizi Wezzu, s wafud n tnemhalt n Yedles, ddaw usentel "Belɛid At Ɛli, amyaru ilaqen ad yettuɣeṛ".

Ad d-tessemlil imnuda d-yusan ladɣa seg tesdawiyin n Tizi-Wezzu, Bgayet akk d Tubirett, akk d yibeṛṛaniyen n Fṛansa d Ṭṭalyan, ara yemmeslayen ɣef timeẓṛa yemxallafen n tira n Belɛid At Ɛli neɣ am wakken yella isem-is aḥaqqani Izarar Belɛid, yellan d amyaru amezwaru s tantala n Teqbaylit.

Deg usentel n temlilit-agi, imsuddsen sfahmen-d belli agerruj-agi "d tallit tagejdant n tsekla tamaziɣt n temnaḍt n Leqbayel. S umeslay ɣef isental d yeḍṛiṣen n timawit d wansayen, Belɛid At Ɛli akken ad d-yili uɛiwed n tmuɣli fell-asen akken ad kecmen di tsekla tatrart. Aḍṛiṣ-ines "Lwali n udrar", yettwarun deg useggasen n ṛebɛin yellan d ungal amezwaru n tmaziɣt".