ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵍⵉ : ⵏⵖⴰⵏ ⵙⵉⵏ ⵉⵙⴻⵔⴷⴰⵙⴻⵏ ⵊⴻⵔⵃⴻⵏ ⵢⵉⵡⴻⵏ ⴷⴻⴳ ⵢⵉⵡⴻⵜ ⵏ ⵜⵅⴰⵣⴰⴱⵉⵜ ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ (ⵜⴰⵖⴱⴰⵍⵓⵜ ⵜⴰⵙⴻⵔⴷⴰⵙⴰⵏⵜ)

ⴱⴰⵎⴰⴽⵓ - ⵏⵖⴰⵏ ⵙⵉⵏ ⵉⵙⴻⵔⴷⴰⵙⴻⵏ ⵊⴻⵔⵃⴻⵏ ⵢⵉⵡⴻⵏ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵜⴻⵎⵏⴰⴹⵜ ⵏ ⵜⴰⵎⴱⵓⴽⵜⵓ, ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ ⵏ ⵎⴰⵍⵉ, ⴷⴻⴳ ⵢⵉⵡⴻⵜ ⵏ ⵜⵅⴰⵣⴰⴱⵉⵜ ⵉ ⵏⴷⵉⵏ ‘’ⵢⵉⵔⴻⵎⵎⴰⵖⴻⵏ’’, ⵉ ⴰⵖ-ⴷ-ⵏⵏⴰⵏⵜ ⴰⵙⵙ ⵏ ⵍⵃⴻⴷⴷ ⵜⴻⵖⴱⵓⵍⴰ ⵜⵉⵙⴻⵔⴷⴰⵙⴰⵏⵉⵏ ⴰⴽⴽⴻⴷ ⵓⵖⵍⵉⴼ ⴰⵎⴰⵍⵉ ⵏ ⵜⴻⵎⵃⴰⴷⴷⵉⵜ.

‘’ⵢⵉⵡⴻⵜ ⵏ ⵜⵓⵖⴷⴰⴹⵜ ⵏ ⵓⵔⴰⴼⴻⵇ ⵏ ⵜⵔⴻⴷⵙⴰ ⵜⴻⵖⵍⵉ ⴷⴻⴳ ⵢⵉⵡⴻⵜ ⵏ ⵜⵅⴰⵣⴰⴱⵉⵜ ⴳⴰⵔ ⴳⵓⵏⴷⴰⵎ ⴰⴽⴽⴻⴷ ⵓⵛⴰⵔⴰⵏ (ⴷⴻⴳ ⵜⴻⵎⵏⴰⴹⵜ ⵏ ⵜⴰⵎⴱⵓⴽⵜⵓ). Ɣⵍⵉⵏ ⵙⵉⵏ ⵉⵙⴻⵔⴷⴰⵙⴻⵏ (ⵎⵎⵓⵜⴻⵏ) ⴰⴽⴽⴻⴷ ⵢⵉⵡⴻⵏ ⵏ ⵓⵎⴻⵊⵔⵓⵃ’’ ⴷⴻⴳ ⵜⴻⵏⵟⴰⴳⵜ (ⵥⵥⴻⴷⵎⴰ) ⵉ ⵅⴻⴷⴷⵎⴻⵏ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ‘’ⵉⵔⴻⵎⵎⴰⵖⴻⵏ’’, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵎⴰⵙⴰⵢ ⵏ ⵜⵔⴻⴷⵙⴰ, ⵜⵓⴷⴷⴻⵔ-ⵉⵜ-ⵉⴷ ⵜⵏⴻⴳⴳⴰ ⵏ ⴰⴼⵒ ⵉ ⴷ-ⵉⵜⴻⴱⵜⴻⵏ ⵜⴰⵍⵖⵓⵜ ⵖⵓⵔ ⵢⵉⵡⴻⵏ ⵏ ⵓⵎⴰⵙⴰⵢ ⵏ ⵓⵖⵍⵉⴼ ⴰⵎⴰⵍⵉ ⵏ ⵜⴻⵎⵃⴰⴷⴷⵉⵜ.

ⴰⴳⴰⴼⴰ ⵏ ⵎⴰⵍⵉ, ⵢⴻⵖⵍⵉⵏ ⴷⴻⴳ ⵡⴰⵢⵢⵓⵔ ⵏ ⵎⴻⵖⵔⴻⵙ ⴰⴽⴽⴻⴷ ⵢⴻⴱⵔⵉⵔ 2012 ⴷⴷⴰⵡ ⵏ ⵢⵉⴼⴰⵙⵙⴻⵏ ⵏ ⵜⴻⴳⵔⴰⵡⵉⵏ ⵏ ⵢⵉⵔⴻⵎⵎⴰⵖⴻⵏ ⵉⵛⵓⴷⴷⴻⵏ ⵖⴻⵔ ⵍⵇⴰⵄⵉⴷⴰ (ⴰⵍ-ⵇⴰïⴷⴰ), ⵢⴻⴼⵔⴻⴹ-ⵉⵜ-ⵉⴷ ⵙ ⵓⵎⴰⵜⴰ ⵓⵏⴻⴽⵛⵓⵎ ⵏ ⵜⵔⴻⴷⵙⴰ ⵜⴰⴳⵔⴰⵖⵍⴰⵏⵜ, ⵉ ⵛⴰⵔⴻⵏ ⴷⴻⴳ ⵡⴰⵢⵢⵓⵔ ⵏ ⵢⴻⵏⵏⴰⵢⴻⵔ 2013 ⴰⵍⵎⴻⵏⴷ ⵏ ⵓⵙⵓⵎⴻⵔ ⵏ ⴼⵔⴰⵏⵙⴰ, ⵉ ⵎⴰⵣⴰⵍ ⵉⵜⴻⴷⴷⵓ ⴰⵔ ⵉⵎⵉⵔⴰ.