Asebter amenzawi

Mali : nɣan sin iserdasen jerḥen yiwen deg yiwet n txazabit deg ugafa n tmurt (taɣbalut taserdasant)

BAMAKU - Nɣan sin iserdasen jerḥen yiwen ass n ssebt tameddit deg temnaḍt n Tambuktu, deg ugafa n tmurt n Mali, deg yiwet n txazabit i ndin ‘’yiremmaɣen’’, i aɣ-d-nnant ass n lḥedd teɣbula tiserdasanin akked uɣlif amali n Temḥaddit.

‘’Yiwet n tuɣdaḍt n urafeq n tredsa teɣli deg yiwet n txazabit gar Gundam akked Ucaran (deg temnaḍt n Tambuktu). Ɣlin sin iserdasen (mmuten) akked yiwen n umejruḥ’’ deg tenṭagt (ẓẓedma) i xeddmen ass n ssebt tameddit ‘’iremmaɣen’’, i d-yenna yiwen n umasay n tredsa, tudder-it-id Tnegga n AFP i d-itebten talɣut ɣur yiwen n umasay n uɣlif amali n Temḥaddit.

Agafa n Mali, yeɣlin deg wayyur n meɣres akked yebrir 2012 ddaw n yifassen n tegrawin n yiremmaɣen icudden ɣer Lqaɛida (Al-Qaïda), yefreḍ-it-id s umata unekcum n tredsa tagraɣlant, i caren deg wayyur n yennayer 2013 almend n usumer n Fransa, i mazal iteddu ar imira.