Asebter amenzawi

Nɣan yiwen n uremmaɣ deg Ɛin Gezzam (aɣlif n Temḥaddit taɣelnawt)

LEZZAYER TAMANEɣT – Nɣan yiwen n uremmaɣ ass n ssebt deg Ɛin Gezzam, Tamenɣast, yiɣallen n Tredsa taɣelnawt taɣerfant (ANP), mi yekker ad yezger tilisa n Lezzayer s tkerrust, ufan ɣur-s tamekḥelt azun n kalachnikov akked ddeqs n yikarṭucen, i d-yenna ass n lḥedd uɣlif n Temḥaddit taɣelnawt (MDN) deg yiwen n ulɣu.

Deg ukatar n umennuɣ mgal n yiremmaɣen, s tɛessast akked tikin n Yiɣallen n Tredsa taɣelnawt taɣerfant, yiwet n tsensirt tenɣa yiwen n uremmaɣ, iḍelli ass 23 yebrir 2016 ɣef 23h, seg i as-ndin yiwet n tqilleɛt deg Ɛin Gezzam (Tamnaḍt taserdasant tis 6)’’, i d-yesseddi uɣlif n Temḥaddit taɣelnawt.

Amnaɣ yella yettheyyi iman-is ad yezger tilisa deg yiwet n tkerrust, yerfed yid-s yiwet n tmekḥelt azun n kalachnikov akked ddeqs n yikarṭucen’’, i terna tenna-d teɣbalut-nni.

Seg yidis nniḍen, deg ukatar n umennuɣ mgal tinnɣi tuddist, ‘’iferdisen n yiɛessasen n yillel n Tizi Uzzu (tamnaḍt Taserdasant tamezwarut) ṭṭfen, s wumel i d-yekkan seg yiṣeyyaden, 27, 268 n yikilugramen n kanabis, deg ugafa agemmuḍan n usagen n Uẓeffun’’.