ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ ⵢⴻⵎⵎⵓⴳⴳⴻⵔ-ⵉⵜ ⴱⴻⵛⵀⴰⵔ ⴰⵍ ⴰⵙⵙⴰⴷ
ⴷⴰⵎⴰⵙ- ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵖⵔⵉⴱⵉⵢⵉⵏ, ⵏ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ ⴰⴽⴽ ⴷ ⵓⵊⴻⵔⵔⵉⴷ ⵏ ⵢⵉⵡⵓⵏⴰⴽ ⴰⵄⵕⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ ⵢⴻⵎⵎⵓⴳⴻⵔ-ⵉⵜ ⴰⵙⵙ ⵏ ⵍⴻⵜⵏⵉⵢⴻⵏ ⴷⵉ ⴷⴰⵎⴰⵙ ⵓⵙⴻⵍⵡⴰⵢ ⴰⵙⵓⵔⵉ ⴱⴰⵛⵀⴰⵔ ⴰⵍ-ⴰⵙⵙⴰⴷ.
ⵍⴰⵡⴰⵏ ⵓⴷⵉⵡⴻⵏⵏⵉ-ⵢⴰⴳⵉ, ⵎⴰⵙ ⵎⴻⵙⵙⴰⵀⴻⵍ ⵢⴻⵙⵙⴰⵡⴻⴹ ⵉ ⵓⵙⴻⵍⵡⴰⵢ ⴰⵙⵓⵔⵉ ⵜⵉⵙⵏⴻⵎⵎⴰⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴰⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 70 ⵏ ⵜⵎⴰⵖⵕⴰ ⵜⴰⵖⴻⵍⵏⴰⵡⵜ ⵏ ⵜⵎⵓⵔⵜ-ⴰⴳⵉ ⴰⵏⴷⴰ ⵙ-ⵢⴻⵙⵙⴰⵡⴻⴹ ⵉⴱⵓⴷⴷⴰⵏ ⵉ ⵡⴻⵖⵕⴻⴼ ⴰⵙⵓⵔⵉ ⵓⵎⵉ ⵢⴻⵙⵙⴰⵔⴰⵎ ⵜⴰⵍⵡⵉⵜ ⴷ ⵡⴻⵔⴽⴰⴷ.
ⴰⵎ ⵡⴰⴽⴽⴻⵏ ⵙ-ⴷ-ⵢⵓⵍⴻⵙ ⵉ "ⵢⵉⴱⴻⴷⴷⵉ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵡⴻⵖⵕⴻⴼ ⴰⵙⵓⵔⵉ ⴷⴻⴳ ⵓⵎⴻⵏⵏⵓⵖ-ⵉⵙ ⵎⴳⴰⵍ ⵔⵔⴻⴱⵔⴰⴱ ⴰⴽⴽⴻⵏ ⴰⴷ ⵃⴰⴷⵔⴻⵏ ⵖⴻⴼ ⵍⴰⵎⴰⵏ, ⴷ ⵡⴻⵔⴽⴰⴷ ⵏ ⵙⵓⵔⵢⴰ ⴰⴽⴽ ⴷ ⵜⴻⴳⵎⴰⵜⵜ ⴳⴻⵔ ⵡⴻⵖⵕⴻⴼ-ⵉⵏⴻⵙ".
ⵙⴻⴳ ⵢⵉⴷⵉⵙ-ⵏⵏⵉⴹⴻⵏ, ⵎⴰⵙ ⵎⴻⵙⵙⴰⵀⴻⵍ ⵢⴻⵙⵙⴰⵡⴻⴹ ⵉ ⵓⵙⴻⵍⵡⴰⵢ ⴰⵙⵓⵔⵉ ⵜⴰⵔⵎⵉⵜ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵜⴰⵡⵉ ⴰⵖⴻⵍⵏⴰⵡ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵡⴰⵢⴻⵏ ⴰⴽⴽ ⵢⴻⵜⵜⵕⴰⴵⵓ ⵡⴻⴳⴷⵓⴷ ⴷⴻⴳ ⵡⴻⵃⵔⵉⵛ ⵏ ⵡⴻⵔⴽⴰⴷ ⵏ ⵜⴻⴳⵏⵉⵜⵜ ⴰⵏⴷⴰ ⵜⵍⴰⵇ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⵉ ⵜⵍⵓⴼⴰ ⵢⴻⵟⵟⴼⴻⵏ ⴰⴽⴽ ⵜⵉⵎⵓⵔⴰ ⵜⴰⵄⵕⴰⴱⵉⵏ.
ⴰⵙⴻⵍⵡⴰⵢ ⴱⴰⵛⵀⴰⵔ ⴰⵍ-ⴰⵙⵙⴰⴷ ⵙⴻⴳ ⵢⵉⴷⵉⵙ-ⵉⵙ ⵢⴻⵙⵏⴻⵎⵎⴻⵔ ⵖⴻⴼ ⵢⵉⵣⴻⵏ ⴰⵢ ⵙ-ⵢⵓⵔⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵍⴰⴷⵖⴰ ⵖⴻⴼ ⵢⵉⴱⴻⴷⴷⵉ-ⵉⵏⴻⵙ ⵖⴻⵔ ⵢⵉⴷⵉⵙ ⵏ ⵜⵎⵓⵔⵜ-ⵉⵙ ⴷⴻⴳ ⵢⴻⵛⵇⵉⵕⵕⴻⵡ ⴷ-ⵢⴻⵙⵙⴻⵔⵙ ⵔⵔⴻⴱⵔⴰⴱ.
