Asebter amenzawi

Azzayri Mahrez (Leicenter) yettwaffren d amenzu ger yemyurar n telɣuɣa n Legliz

LONDRES – Azzayri Ryadh Mahrez, yiwen ger yemyurar igejdanen n Leicester City, yettwaffren ass n lḥedd d amyurar amezzwaru n telɣuɣa n Legliz aseggas-agi sɣuṛ Tiddukkla n yimyurar n tcirḍart (PFA), arraz id-yusan deffir n wayen akk yexdem i wesnerni n teɣlamt-ines.

Ryadh Mahrez yura 17 n yeswan am wakken yella deffir n 11 n yeswan-nniḍen ay yuran yemdukkal-is. Amyurar ageraɣlan azzayri d amyurar amezwaru n tefriqt ara yawin arraz-agi, s wakka ad d-yexlef abiljiki Eden Hazard (Chelsea), yellan yerbaḥ arraz-agi aseggas yezrin.

Amyurar n Leicester ibudd arraz-agi i terbaɛt-is. "ayagi akk i nutni akk d weslaɣmay d yinmazulen-ines. Mebla nutni, d awezɣi ad ssiwḍeɣ ɣer warraz-agi neɣ ad aruɣ iswan-agi. D ayagi i d tadukkli daymi bɣiɣ ad sen-buddeɣ azzaz-agi.