ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵇⴻⵍⵄⴻⵏ ⵢⵉⵎⵓⵀⴰⵍ ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⴰⵣⵣⴰⵢⵔⵉ-ⴰⵙⵓⵔⵉ ⴷⴻⴳ ⴷⵉⵎⴻⵛⵇ (ⴰⵎⴰⵣⵓⵏ ⵓⵣⵣⵉⴳ)
ⴷⵉⵎⴻⵛⵇ – ⵉⵎⵓⵀⴰⵍ ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⴰⵣⵣⴰⵢⵔⵉ-ⴰⵙⵓⵔⵉ ⵉ ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵏ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ ⴰⴽⴽⴻⴷ ⵓⵏⴻⵖⵍⴰⴼ ⵏ ⵜⴷⴰⵎⵙⴰ ⴰⴽⴽⴻⴷ ⵜⵏⴻⵣⵣⵓⵜ ⵏ ⴱⴻⵔⵔⴰ ⴰⵙⵓⵔⵉ ⵀⴰⵎⵎⴰⵎ ⴻⵍ ⴷⵊⴰⵣⴰⵉⵔⵉ, ⵢⴻⴱⴷⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴷⵉⵎⴻⵛⵇ.
ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⴷⴻⴳ ⵜⴻⵍⴷⴰⵢⵜ ⵏ ⵢⵉⵎⵓⵀⴰⵍ, ⵎⴰⵙⵙ ⵎⴻⵙⵙⴰⵀⴻⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ‘’ⴰⴷ ⵜⴻⵔⵣⵓ ⴰⴼⵔⴰⵏ ⵏ ⵢⵉⴳⴻⵍⵍⵓⵙⴻⵏ ⵏ ⵓⵎⴻⴷⵀⴻⵍ ⵓⵛⵔⵉⴽ ⴷⴻⴳ ⵜⵉⵖⵓⵍⴰ ⵢⴻⵎⵅⴰⵍⵍⴰⴼⴻⵏ ⴰⴽⴽⴻⴷ ⵓⵏⴰⴷⵉ ⵖⴻⴼ ⵢⵉⴱⴻⵔⴷⴰⵏ ⴰⴽⴽⴻⴷ ⵡⴰⵍⵍⴰⵍⴻⵏ ⴰⵔⴰ ⵢⴻⵙⵙⴰⵍⵉⵏ ⵓⴳⴰⵔ ⴰⵎⴻⴷⵀⴻⵍ-ⴰ ⴰⵍⵎⴻⵏⴷ ⵏ ⵢⵉⵎⴰⵍ ⵉ ⵢⴻⵜⵜⵔⴰⴵⵓⵏ ⵙⵏⴰⵜ ⵜⵎⵓⵔⴰ, ⵙ ⵜⵔⵓⵙⵉ ⵏ ⵢⵉⵡⴻⵜ ⵏ ⵜⴼⴻⵔⴽⵉⵜ ⵏ ⵜⵉⴽⵍⵉ ⵉ ⵜⵉⴳⴰⵡⵜ-ⵏⵏⴻⵖ ⵙⵢⴰ ⴷ ⴰⴼⴻⵍⵍⴰ ⴰⴽⴽⴻⵏ ⴰⴷ ⵏⴻⵙⵙⴰⵍⵉ ⴰⵙⵡⵉⵔ ⵏ ⵓⵎⴻⴷⵀⴻⵍ ⵓⵛⵔⵉⴽ ⵉ ⵍⴼⴰⵢⴷⴰ ⵜⵓⵛⵔⵉⴽⵜ.
ⴰⵏⴻⵖⵍⴰⴼ ⴰⵙⵓⵔⵉ, ⵙⴻⴳ ⵢⵉⴷⵉⵙ-ⵉⵙ, ⵢⴻⵣⵡⴻⵔ ⵉⴳⵎⵓⴹⴻⵏ ⵏ ⵜⴻⵎⵍⵉⵍⵉⵜ ⵏ ⵢⵉⵎⴰⵜⵡⵉⵍⴻⵏ ⵉ ⴷ-ⵢⴻⴹⵔⴰⵏ ⴷ ⵜⴰⵣⵡⴻⵔⵜ ⵏ ⵓⵙⴻⵇⵇⴰⵎⵓ ⵓⵛⵔⵉⴽ ⵏ ⵓⴹⴼⴰⵔ, ⴰⴽⴽⴻⵏ ⴰⴷ ⵙⴻⵔⵙⴻⵏ ⵢⵉⵡⴻⵏ ⵏ ⵓⵖⴰⵡⴰⵙ ⵏ ⵜⵉⴳⴰⵡⵜ ⵏ ⵜⴻⵎⵍⵉⵍⵉⵢⵉⵏ ⵉ ⴷ-ⵉⵜⴻⴷⴷⵓⵏ ⴰⴽⴽⴻⵏ ⴰⴷ ⵢⵉⵍⵉ ⵓⴹⴼⴰⵔ ⵏ ⵜⵉⴳⴰⵡⵜ ⵜⵓⵛⵔⵉⴽⵜ ⴷⴻⴳ ⵜⴻⵖⵓⵍⴰ ⵢⴻⵎⵅⴰⵍⵍⴰⴼⴻⵏ ⵉⴷⴻⴳ ⵢⴻⵍⵍⴰ ⵢⵉⴷⵍⴻⵙ, ⵜⴰⴷⴰⵎⵙⴰ ⴰⴽⴽⴻⴷ ⵜⴻⵍⵖⵓⵜ.
