Asebter amenzawi

Amennuɣ mgal taremɣa ad yekk seg usegrew n lǧehd-nneɣ (Messahel)

DIMECQ - Aneɣlaf n Tɣawsiwin n tmazɣa, n Tdukli tafriqit akked n Temɣunt n Yiwunak aɛraben, Abdelkader Messahel, iderrer-d ɣef wakken yessefk fell-aɣ akk ad nessegrew lǧehd-nneɣ akken ad nennaɣ mgal taremɣa, iḥettet ɣef uḥraz n tdukli n tmetti akked ferru n ṭrad s wallalen n telwit.

Deg yiwen n yinaw mi ldin yimuhal n temlilit n Useqqamu n uḍfar azzayri-asuri i yesselwi, ass n letniyen deg Dimecq, akked uneɣlaf asuri n Tdamsa akked Tnezzut n berra, Hammam El-Jazairi, Mass Messahel iwekked-d ‘’tallelt n Lezzayer i Surya deg umennuɣ-is mgal taremɣa akked teẓriɣeft tukriḍt’’.

Yules-as-d i waddud n Lezzayer ɣer yidis n Surya i yewwin ‘’yiwet n tyita seg yiremmaɣen iqesden ad huden lsas n Uwanek, ad yeṭṭef adabu s yiɣil akked wuẓu n tigdin’’, Mass Messahel yesmekta-d dakken Lezzayer ‘’tɛedda-d seg lḥif aberkan n yiremmaɣen yeṭṭfen ugar n mraw n yiseggasen’’.