ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵙⴻⴼⵀⴰⵎ ⴳⴰⵔ ⵍⴻⵣⵣⴰⵢⴻⵔ ⴷ ⵉⵏⴷⵓⵏⵉⵙⵢⴰ ⵖⴻⴼ ⵡⴻⵎⴱⴰⴷⴷⴻⵍ ⵏ ⵜⴻⵕⵛⵉⴱⵉⵏ ⵏ ⵓⵎⵓⵙⵙⵓ ⵏ ⵜⵎⵓⵔⴰ ⵓⵔ ⵉⴷⴻⵔⵔⴻⵔⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⵜⴻⵏⵢⴰⵏⵜ, ⴰⵙⵙ ⵏ ⵍⴻⵜⵏⵉⵢⴻⵏ, ⵍⴷⵣⴰⵢⴻⵔ ⴷ ⵉⵏⴷⵓⵏⵉⵙⵢⴰ, ⵢⵉⵡⴻⵏ ⵏ ⵡⴻⵎⵜⴰⵡⴰ ⵏ ⵡⴻⵎⵙⴻⴼⵀⴰⵎ ⵉ ⵡⴻⵎⴱⴰⴷⴷⴻⵍ ⵏ ⵜⴻⵕⵛⵉⴱⵉⵏ ⵢⴻⵇⵇⵏⴻⵏ ⵖⴻⵔ ⵢⵉⵙⴰⵔⴰⴳⴻⵏ ⵏ ⵓⵎⵓⵙⵙⵓ ⵏ ⵜⵎⵓⵔⴰ ⵓⵔ ⵉⴷⴻⵔⵔⴻⵔⴻⵏ.
ⴰⵎⵜⴰⵡⴰ-ⴰ ⵢⴻⵙⵜⴻⵏⵢⴰ-ⵜ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴻⵕⵛⵉⴱⵉⵏ ⵜⵉⵖⴻⵍⵏⴰⵡⵉⵏ, ⴰⴱⴷⴻⵍⵎⴰⴷⵊⵉⴷ ⵛⵀⵉⴽⵀⵉ, ⵖⴻⵔ ⵢⵉⴷⵉⵙ ⵏ ⵡⴻⵎⵜⵉⵍ-ⵏⵏⴻⵙ ⵉⵏⴷⵓⵏⵉⵙⵉ, ⵎⵓⵙⵜⴰⵔⵉ ⵉⵔⴰⵡⴰⵏ, ⵙ ⵡⴻⵃⴷⴰⵕ ⵏ ⵜⴻⵏⵎⴰⵀⴰⵍⵜ (ⵙⴰⴼⵉⵔ) ⵜⵉⵏⴷⵓⵏⵉⵙⵉⵜ ⴷⴻⴳ ⵍⴷⵣⴰⵢⴻⵔ, ⵎⴰⵙⵙⴰ ⵙⴰⴼⵉⵔⴰ ⵎⴰⵙⵀⵔⵓⵙⴰⵀ. ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ, ⵢⴻⵏⵏⴰ-ⴷ ⵎⴰⵙⵙ ⵛⵀⵉⴽⵀⵉ ⴷⴰⴽⴽⴻⵏ ⴰⵎⵜⴰⵡⴰ-ⴰ (ⵉⵜⵜⵉⴼⴰⵇ) ⴷ ⵡⵉⵏ ⴰⵢⴷⴻⴳ ⵍⴻⵣⵣⴰⵢⴻⵔ ⴰⴷ ⵜⴻⴼⴽ ⴰⴽⴽ ⵜⵉⴼⵜⴰⵔⵉⵏ ⴰⵢ ⵜⴻⵙⵄⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴰⵔⴰⴳ ⵏ ⵓⵎⵓⵙⵙⵓ ⵏ ⵜⵎⵓⵔⴰ ⵓⵔ ⵉⴷⴻⵔⵔⴻⵔⴻⵏ.
« ⵏⴻⵊⵎⴻⵄ-ⴷ ⴰⵢⴻⵏ ⴰⵢ ⴷ-ⵢⴻⴼⴼⵖⴻⵏ ⴷⴻⴳ ⵜⵖⴻⵎⵙⴰ ⵜⴰⴷⵣⴰⵢⵔⵉⵜ, ⵢⴻⵔⵏⵓ ⴰⴷ ⵏⴻⵙⵙⴻⵎⵖⴻⵔ ⴰⵏⴰⴷⵉ-ⵏⵏⴻⵖ ⵖⴻⵔ ⵡⴰⴽⴽ ⵉⵃⵔⵉⵛⴻⵏ (ⵢⴻⵇⵇⵏⴻⵏ ⵖⴻⵔ ⵡⴰⵢⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⴷⴰⴽⴽⴻⵏ ⵢⴻⴼⴽⴰ ⵉ ⵡⴻⵎⵜⵉⵍ-ⵏⵏⴻⵙ ⵉⵏⴷⵓⵏⵉⵙⵉ ⵉⵎⴰⴳⵔⴰⴷⴻⵏ ⵏ ⵜⵖⴻⵎⵙⴰ ⵢⴻⵔⵣⴰⵏ ⴰⵢⴰ, ⵍⴰⴷⵖⴰ ⵡⵉⴷ ⴰⵢ ⴷ-ⵢⴻⴼⴼⵖⴻⵏ ⴷⴻⴳ ⵡⴻⵖⵎⵉⵙ ⴰⵄⵕⴰⴱⵡⴰⵍ ⵏ ⴻⵛⵀⴰⴰⴱ, ⴷ ⵡⴻⵖⵎⵉⵙ ⴰⴼⵕⴻⵏⵙⵉⵙⵡⴰⵍ ⵏ ⴻⵍ ⵎⵧⵓⴷⵊⴰⵀⵉⴷ.
ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⴼⴽⴰ ⴷⴰⵖ « ⵉⵏⴰⵡⴻⵏ (ⵅⵉⵟⴰⴱⴰⵜ) ⵏ ⵓⵙⴻⵍⵡⴰⵢ ⴰⵇⴱⵓⵔ ⵏ ⵜⴻⴳⴷⵓⴷⴰ, ⴰⵎⴻⵕⵃⵓⵎ ⵀⵧⵓⴰⵔⵉ ⴱⵧⵓⵎⴻⴷⵉⴻⵏⴻ, ⵜⵉⵏⴻⵖⵜⵓⵙⵉⵏ (ⵇⴰⵔⴰⵔⴰⵜ) ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⵙⴰⵔⴰⴳ-ⴰ, ⵜⵉⴼⵜⴰⵔⵉⵏ ⵜⵉⵙⴻⵔⵜⴰⵏⵉⵏ, ⵓⵎⵓⵖⴻⵏ ⵏ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⴽⵔⴰ ⵏ ⵢⵉⵙⴰⵔⴰⴳⴻⵏ ⴷ ⵢⵉⵡⴻⵜ ⵏ ⵜⴻⵣⵔⴰⵡⵜ ⵖⴻⴼ ⵜⵇⴰⵛⵓⵛⵜ ⵜⵉⵙ 4 ⵏ ⵓⵎⵓⵙⵙⵓ ⵏ ⵜⵎⵓⵔⴰ ⵓⵔ ⵉⴷⴻⵔⵔⴻⵔⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ 1973 ⴷⴻⴳ ⵍⴻⵣⵣⴰⵢⴻⵔ.
