ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

3 ⵏ ⵢⴻⴷⵍⵉⵙⴻⵏ ⵉⵎⴰⵢⵏⵓⵜⴻⵏ ⵏ ⴰⵀⵍⴰⵎ ⵎⵧⵙⵜⴻⴳⵀⴰⵏⴻⵎⵉ ⴰⵢ ⴷ-ⵢⴻⴼⴼⵖⴻⵏ ⵙ ⵜⴰⵏⴳⵍⵉⵣⵉⵜ ⴷⴻⴳ ⵍⵧⵏⴷⵧⵏ

ⵍⵧⵏⴷⵧⵏ– ⵢⴻⵙⴼⵓⴳⴻⵍ ⵡⴻⵅⵅⴰⵎ ⵏ ⵜⴻⵥⵔⵉⴳⵉⵏ ⴰⴱⵔⵉⵟⴰⵏⵉ ⴱⵍⵧⵧⵎⵙⴱⵓⵔⵢ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⵧⵏⴷⵧⵏ, ⵜⵓⴼⴼⵖⴰ ⵏ 3 ⵏ ⵡⵓⵏⴳⴰⵍⴻⵏ ⵏ ⵜⵎⴰⵔⵓⵜ ⴷ ⵜⵎⴻⴷⵢⴰⵣⵜ ⵜⴰⴷⵣⴰⵢⵔⵉⵜ ⴰⵀⵍⴰⵎ ⵎⵧⵙⵜⴻⴳⵀⴰⵏⴻⵎⵉ.

ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ ⴰⵢ ⴷ-ⵢⴻⵜⵜⵡⴰⵙⵙⵓⴷⴷⵙⴻⵏ ⴷⴻⴳ ⵜⴻⵙⴷⴰⵡⵉⵜ ⵏ ⵔⴻⴳⴻⵏⵜⵙ ⵙ ⵡⴻⵎⵄⴰⵡⴻⵏ ⴷ ⵜⵎⴰⵀⴻⵍⵜ ⵏ ⵍⴷⵣⴰⵢⴻⵔ ⴷⴻⴳ ⵍⵧⵏⴷⵧⵏ, ⵙ ⵡⴻⵃⴷⴰⵕ ⵏ ⵡⴻⵏⵎⴰⵀⴰⵍ (ⵙⴰⴼⵉⵔ) ⴰⵎⵎⴰⵔ ⴰⴱⴱⴰ, ⴰⵏⴻⵎⵀⴰⵍ ⵏ ⵡⴻⵅⵅⴰⵎ ⵏ ⵜⴻⵥⵔⵉⴳⵉⵏ ⵏ ⴱⵍⵧⵧⵎⵙⴱⵓⵔⵢ (ⴰⵢ ⴷ-ⵢⴻⵙⵙⵓⵖⵍⴻⵏ 3-ⵏⵏⵉ ⵏ ⵡⵓⵏⴳⴰⵍⴻⵏ), ⵉⵎⴰⵙⵍⴰⴹⴻⵏ ⵏ ⵜⴼⴻⴽⴽⴰ ⵜⴰⴷⵉⵒⵍⵓⵎⴰⵜⵉⵜ ⵜⴰⴷⵣⴰⵢⵔⵉⵜ ⵢⴻⵍⵍⴰⵏ ⴷⴻⴳ ⵍⵧⵏⴷⵧⵏ ⴷ ⵢⵉⵏⴻⵖⵎⴰⵙⴻⵏ.

ⵉ ⵍⵎⴻⵏⴷ ⵏ ⵡⴰⵢⴰ, ⵉⵡⴻⴽⴽⴻⴷ-ⴷ ⵎⴰⵙⵙ ⴰⴱⴱⴰ, ⴷⴻⴳ ⵜⵉⵏⴰⵡⵜ-ⵏⵏⴻⵙ, ⴷⴰⴽⴽⴻⵏ ⵜⴰⵙⵓⵖⴻⵍⵜ ⵏ ⵢⴻⴷⵍⵉⵙⴻⵏ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵢⴻⵔⵏⵓ ⵉⴷⵍⵉⵙⴻⵏ ⴷ « ⵜⴰⵏⴻⵣⴳⴰⵔⵜ ⴳⴰⵔ ⵢⵉⵖⴻⵔⴼⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⵥⵓⵔⵉ ⴷ ⵢⴻⴷⵍⴻⵙ ⴷ ⴰⴳⴰⴷⵉⵔ ⵎⴳⴰⵍ ⵜⵉⴹⴹⵓⵔⴼⴰ.

ⵎⴰ ⴷ ⵏⵉⴳⴻⵍ ⵏⴻⵡⵜⵧⵏ, ⴰⵏⴻⵎⵀⴰⵍ ⵏ ⵡⴻⵅⵅⴰⵎ ⵏ ⵜⴻⵥⵔⵉⴳⵉⵏ ⵏ ⴱⵍⵧⵧⵎⵙⴱⵓⵔⵢ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵅⵅⴰⵎ-ⵏⵏⴻⵙ ⵢⴻⵜⵜⴰⴽⴼ ⴰⵣⴰⵍ ⵉ ⵜⵙⴻⴽⵍⴰ ⵜⴰⵄⵕⴰⴱⵜ.

ⴷⵖⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵙⵓⵖⴻⵍⵜ ⵏ ⵢⵉⵅⴻⴷⴷⵉⵎⴻⵏ ⵏ ⴰⵀⵍⴰⵎ ⵎⵧⵙⵜⴰⴳⵀⴰⵏⴻⵎⵉ ⴷ ⴰⵢⴻⵏ ⴰⴷ ⵢⴻⴵⴵⴻⵏ ⵉⵎⴻⵖⵔⵉⵢⴻⵏ ⵏ ⵓⵎⴰⴹⴰⵍ ⴰⴽⴽ ⴰⴷ ⵙⵙⵏⴻⵏ ⵉⵖⴻⴱⵍⴰⵏ ⴷ ⵢⵉⵙⵙⵉⵔⵎⴻⵏ ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵖⵔⵉⵢⴻⵏ ⴰⵄⵕⴰⴱⴻⵏ.

ⵎⴰ ⴷ ⴰⵀⵍⴰⵎ ⵎⵧⵙⵜⴰⴳⵀⴰⵏⴻⵎⵉ ⴰⵢ ⴷ-ⵢⵓⵔⴰⵏ « ⵜⵉⴽⴰⵜⵓⵜⵉⵏ ⵏ ⵜⴼⴻⴽⴽⴰ », ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵎⴰⵔⵓ ⵢⴻⵙⵄⴰ ⵜⴰⵎⴰⵙⵉⵜ (ⵎⴰⵙ’ⵓⵍⵉⵢⵢⴰ) ⵢⴻⵔⵏⵓ ⵓⵔ ⵢⴻⵜⵜⴰⵍⴰⵙ ⴰⴷ ⵢⴻⵛⵛⴻⴹ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴼⵔⴰⵏⴻⵏ-ⵏⵏⴻⵙ ⵉⵙⴻⵔⵜⴰⵏⴻⵏ ⴰⵛⴽⵓ ⵜⴰⵣⵔⵉⵔⵜ-ⵏⵏⴻⵙ (ⵜⴰ’ⵜⵉⵔ) ⵜⴻⵜⵜⵉⵍⵉ-ⴷ ⵖⴻⴼ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵖⵔⵉⵢⴻⵏ.