Asebter amenzawi

3 n yedlisen imaynuten n Ahlam Mosteghanemi ay d-yeffɣen s tanglizit deg London

LONDON– Yesfugel wexxam n teẓrigin abriṭani Bloomsbury, ass n letniyen deg London, tuffɣa n 3 n wungalen n tmarut d tmedyazt tadzayrit Ahlam Mosteghanemi.

Deg yiwet n tfugla ay d-yettwassuddsen deg Tesdawit n Regents s wemɛawen d tmahelt n Ldzayer deg London, s weḥdaṛ n wenmahal (safir) Ammar Abba, anemhal n wexxam n teẓrigin n Bloomsbury (ay d-yessuɣlen 3-nni n wungalen), imaslaḍen n tfekka tadiplumatit tadzayrit yellan deg London d yineɣmasen.

I lmend n waya, iwekked-d Mass Abba, deg tinawt-nnes, dakken tasuɣelt n yedlisen d ayen yesɛan azal yernu idlisen d « tanezgart gar yiɣerfan », am wakken ay d-yerna dakken taẓuri d yedles d agadir mgal tiḍḍurfa.

Ma d Nigel Newton, anemhal n wexxam n teẓrigin n Bloomsbury, iwekked-d dakken axxam-nnes yettakf azal i tsekla taɛṛabt.

Dɣa yenna-d dakken tasuɣelt n yixeddimen n Ahlam Mostaghanemi d ayen ad yeǧǧen imeɣriyen n umaḍal akk ad ssnen iɣeblan d yissirmen n yimelyunen n yimeɣriyen aɛṛaben.

Ma d Ahlam Mostaghanemi ay d-yuran « Tikatutin n tfekka », twekked-d dakken amaru yesɛa tamasit (mas’uliyya) yernu ur yettalas ad yecceḍ deg wayen yerzan ifranen-nnes isertanen acku tazrirt-nnes (ta’tir) tettili-d ɣef yimelyunen n yimeɣriyen.