ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

17 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⴹⴹⴼⴻⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⴷⴻⴳ ⵍⵇⵓⴷⵙ ⴷ ⵓⴳⴻⵎⵎⴰⴹ ⵓⵜⵔⵉⵎ

ⵔⴰⵎⴰⵍⵍⴰⵀ (ⴰⴳⴻⵎⵎⴰⴹ ⵓⵜⵔⵉⵎ) – 17 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⴹⴹⴼⴻⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⵇⵓⴷⵙ ⵜⴰⴳⵎⵓⴹⴰⵏⵜ ⴷ ⵓⴳⴻⵎⵎⴰⴹ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵔⵉⵔ ⵏ ⵢⵉⵎⴻⵃⴱⴰⵙ ⵉⴼⴰⵍⴻⵙⵟⵉⵏⵉⵢⴻⵏ.

« ⴳⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵢⵉⵡⴻⵜ ⵏ ⵜⴻⵥⴷⴰⵎⵜ ⵖⴻⴼ ⵜⴻⵎⴷⵉⵏⵉⵏ ⵏ ⵏⴰⴱⵍⵓⵙ, ⵔⴰⵎⴰⵍⵍⴰⵀ, ⵍⵅⴰⵍⵉⵍ, ⴱⴻⵉⵜⵍⴰⵀⴻⵎ ⴷ ⵢⴻⴳⵎⴰⵎⴻⵏ (ⴰⵃⵢⴰ’) ⵢⴻⵎⴳⴻⵔⵔⴰⴷⴻⵏ ⵏ ⵍⵇⵓⴷⵙ ⵜⴰⴳⵎⵓⴹⴰⵏⵜ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⵓ ⵇⴻⵔⵔⵙⴻⵏ ⴰⵟⴰⵙ ⵏ ⵔⵔⵚⴰⵚ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵔⵉⵔ-ⴰ ⴰⵢ ⴷ-ⵜⴻⴱⴷⴻⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵜⴰⴼⴰⵍⴻⵙⵟⵉⵏⵉⵜ ⵏ ⵡⴰⴼⴰ.

« ⵙ ⵓⵊⴻⵎⵎⴰⵍ, 17 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⵜⴰⵙⴻⵔⴷⴰ (ⴵⴰⵢⵛ) ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵍⴰ ⵜⴻⵜⵜⴻⴳ ⵢⴰⵍ ⴰⵙⵙ ⵜⵉⵃⴻⵎⵍⵉⵡⵉⵏ ⵏ ⵡⴰⴱⴱⴰⵥ ⴰⵢⴷⴻⴳ ⵜⴻⵜⵜⴰⴹⴹⴰⴼ ⵜⵉⵎⴻⵔⵡⵉⵏ (ⵄⴰⵛⴰⵔⴰⵜ) ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵜⴻⵎⴷⵉⵏⵉⵏ ⴷ ⵜⵓⴷⴷⴰⵔ ⵏ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⵓ ⵢⴻⵜⵜⵉⵍⵉ-ⴷ ⵡⴰⵢⴰ ⵖⴻⴼ ⵜⵙⴻⴱⴱⵉⵡⵉⵏ ⵢⴻⵎⴳⴻⵔⵔⴰⴷⴻⵏ.

ⴰⵣⴰⵍ ⵏ 7.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 2015, ⴳⴰⵔ-ⴰⵙⴻⵏ 2.200 ⵏ ⵢⵉⴳⴻⵔⴷⴰⵏ, ⵖⴻⴼ ⵍⴻⵃⵙⴰⴱ ⵏ ⵢⴻⵣⵡⵉⵍⴻⵏ (ⴰⵔⵇⴰⵎ) ⵓⵏⵚⵉⴱⴻⵏ.