Asebter amenzawi

17 n Yifalesṭiniyen ay ḍḍfen yiɣallen n tuḍḍfa tisṛayilit deg Lquds d Ugemmaḍ Utrim

RAMALLAH (Agemmaḍ Utrim) – 17 n Yifalesṭiniyen ay ḍḍfen yiɣallen n tuḍḍfa ass n ttlata deg Lquds Tagmuḍant d Ugemmaḍ Utrim, ɣef wakken ay d-yenna Wesrir n Yimeḥbas Ifalesṭiniyen.

« Gan yiɣallen n tuḍḍfa yiwet n teẓdamt ɣef temdinin n Nablus, Ramallah, Lxalil, Beitlahem d yegmamen (aḥya’) yemgerraden n Lquds Tagmuḍant yettwaḍḍfen, yernu qerrsen aṭas n rrṣaṣ », ɣef wakken ay d-yenna Wesrir-a ay d-tebder tnegga n yisalan tafalesṭinit n Wafa.

« S ujemmal, 17 n Yifalesṭiniyen ay yettwaḍḍfen », ɣef wakken ay aɣ-d-nnan.

Taserda (ǧayc) n tuḍḍfa tisṛayilit la tetteg yal ass tiḥemliwin n wabbaẓ aydeg tettaḍḍaf timerwin (ɛacarat) n Yifalesṭiniyen deg temdinin d tuddar n Ugemmaḍ Utrim yettwaḍḍfen, yernu yettili-d waya ɣef tsebbiwin yemgerraden.

Azal n 7.000 n Yifalesṭiniyen ay yettwaḍḍfen deg 2015, gar-asen 2.200 n yigerdan, ɣef leḥsab n yezwilen (arqam) unṣiben.